ശരീരത്തിലെ ഹോർമോൺ വ്യതിയാനങ്ങൾ മൂലം ആർത്തവത്തിന് തൊട്ടുമുമ്പുള്ള ദിവസങ്ങളിൽ സ്ത്രീകൾ അനുഭവിക്കുന്ന ശാരീരികവും മാനസികവുമായ അസ്വസ്ഥതകളെയാണ് പ്രീമെൻസ്ട്രൽ സിൻഡ്രോം എന്ന് വിളിക്കുന്നത്. കണക്കുകൾ പ്രകാരം പത്തിൽ എട്ട് സ്ത്രീകൾക്കും ഏതെങ്കിലും തരത്തിലുള്ള പിഎംഎസ് ലക്ഷണങ്ങൾ അനുഭവപ്പെടാറുണ്ട്. അമിതമായ ഉത്കണ്ഠ, ഏകാഗ്രതക്കുറവ്, ഉറക്കമില്ലായ്മ, പെട്ടെന്നുണ്ടാകുന്ന മൂഡ് മാറ്റങ്ങൾ തുടങ്ങിയ മാനസിക വിഷമതകൾക്കൊപ്പം ശാരീരിക അസ്വസ്ഥതകളും ഇതിന്റെ ഭാഗമായി ഉണ്ടാകാം. ആർത്തവം ആരംഭിക്കുന്നതോടെ സാധാരണയായി ഈ ലക്ഷണങ്ങൾ അപ്രത്യക്ഷമാകാറുണ്ടെങ്കിലും, ചിലരിൽ ഇവ ദൈനംദിന ജീവിതത്തെയും തൊഴിലിനെയും ബാധിക്കുന്ന തരത്തിൽ സങ്കീർണ്ണമാകാറുണ്ട്.
ടെൻഷൻ അല്ലെങ്കിൽ ഉത്കണ്ഠ
വിഷാദം, മാനസികാവസ്ഥയിലെ ഏറ്റക്കുറച്ചിലുകൾ
വിശപ്പിലെ മാറ്റങ്ങളും ഭക്ഷണത്തോടുള്ള ആസക്തിയും
ഉറക്കക്കുറവ്
മോശം ഏകാഗ്രത
ലിബിഡോയിലെ മാറ്റം
സ്തനങ്ങളിൽ വേദന
മലബന്ധം അല്ലെങ്കിൽ വയറിളക്കം
എന്നാൽ, പ്രീമെൻസ്ട്രൽ സിൻഡ്രോം ഉള്ള ഒരു ചെറിയ വിഭാഗം സ്ത്രീകൾക്ക് എല്ലാ മാസവും ലക്ഷണങ്ങൾ അനുഭവപ്പെടുന്നു. അതിനെ പ്രീമെൻസ്ട്രൽ ഡിസ്ഫോറിക് ഡിസോർഡർ എന്ന് പറയുന്നു. വിഷാദം, മാനസികാവസ്ഥയിലെ മാറ്റങ്ങൾ, കോപം, ഉത്കണ്ഠ, അമിതഭാരം തോന്നൽ, ശ്രദ്ധ കേന്ദ്രീകരിക്കാൻ ബുദ്ധിമുട്ട്, പിരിമുറുക്കം എന്നിവയാണ് PMDD യുടെ ലക്ഷണങ്ങൾ. വ്യായാമം ചെയ്യുന്നത് ശരീരത്തെ ഊർജസ്വലവും ഫിറ്റുമായി നിലനിർത്തുന്നു. ഇത് ഹോർമോണുകളെ ബാലൻസ് ചെയ്യാൻ സഹായിക്കുന്നു. ശരീരത്തിലെ ജലാംശം നിലനിർത്താൻ ദിവസവും 7-8 ഗ്ലാസ് വരെ വെള്ളം കുടിക്കണം. വെള്ളം കുടിക്കുന്നത് തലവേദന മാറാൻ സഹായിക്കും.
The post ആർത്തവത്തിന് മുന്നോടിയായി സ്ത്രീകൾ നേരിടുന്ന ശാരീരിക-മാനസിക വെല്ലുവിളികൾ…! appeared first on Express Kerala.