ഇരിങ്ങാലക്കുട : കപീഷ്, മായാവി തുടങ്ങിയ കഥാപാത്രങ്ങളിലൂടെ കുട്ടികളെ മായികലോകത്തേക്ക് കൈപിടിച്ചു കൊണ്ടുപോയ, ചിത്രകലാ ലോകത്ത് സുവർണ്ണ ജൂബിലി നിറവിലുള്ള ആർട്ടിസ്റ്റ് മോഹൻദാസിന് പ്രഥമ യുവകലാസാഹിതി – KO വിൻസെൻ്റ് മാസ്റ്റർ ചിത്രകലാ സമ്മാനം ഫെബ്രുവരി 28ന് വൈകീട്ട് 5 മണിക്ക് ഇരിങ്ങാലക്കുട ടൗൺഹാളിൽ നടക്കുന്ന ചടങ്ങിൽ സമ്മാനിക്കും.
12 വയസ്സിന് താഴെയുള്ള കുട്ടികൾക്കായി മോഹൻദാസ് സൃഷ്ടിച്ച കപീഷ്, മായാവി, ലുട്ടാപ്പി, കുട്ടൂസൻ, ഡാകിനി, മാജിക് മാലു എന്നിവരുടെ പ്രച്ഛന്നവേഷ മത്സരവും അന്നേദിവസം അരങ്ങേറും.
മത്സരത്തിൽ പങ്കെടുക്കാൻ ആഗ്രഹിക്കുന്നവർ ഫെബ്രുവരി 25ന് വൈകീട്ട് 5 മണിക്ക് മുമ്പായി 9744832277 എന്ന നമ്പറിൽ വിളിച്ച് രജിസ്റ്റർ ചെയ്യേണ്ടതാണ്.
മത്സരത്തിൽ പങ്കെടുക്കുന്ന എല്ലാവർക്കും സമ്മാനം നൽകും. മോഹൻദാസ് തെരഞ്ഞെടുക്കുന്ന 3 വേഷങ്ങൾക്ക് പ്രത്യേക സമ്മാനവും നൽകുമെന്ന് യുവകലാസാഹിതി അംഗങ്ങൾ അറിയിച്ചു.