ഇരിങ്ങാലക്കുട : മെട്രോ ഹോസ്പിറ്റല് ഇരിങ്ങാലക്കുട, ലയണ്സ് ക്ലബ്ബ് കൊമ്പൊടിഞ്ഞാമാക്കല്, സേവാഭാരതി വേളൂക്കര എന്നിവയുടെ സംയുക്താഭിമുഖ്യത്തില് മുകുന്ദപുരം ഫാര്മേഴ്സ് പ്രൊഡ്യൂസര് കമ്പനി ലിമിറ്റഡിന്റെ കീഴിലുള്ള ഫാം സ്റ്റോര് സൂപ്പര്മാര്ക്കറ്റിന്റെയും സൗജന്യ മെഡിക്കല് ക്യാമ്പിന്റെയും ഉദ്ഘാടനം 22ന് രാവിലെ 9.30ന് കമ്പനിയുടെ വെളയനാടുള്ള രജിസ്ട്രേഡ് ഓഫീസില് സംഘടിപ്പിക്കും.
ഫാം സ്റ്റോറിന്റെ ഉദ്ഘാടനം വെള്ളാങ്ങല്ലൂര് അഗ്രികള്ച്ചര് അസിസ്റ്റന്റ് ഡയറക്ടര് സ്മിത ഹരിദാസ് നിര്വഹിക്കും.
എം.എഫ്.പി.സി. ചെയര്മാന് ഒ.എന്. ജയന് അധ്യക്ഷത വഹിക്കും.
ഭാരത് അഗ്രോ പ്രോസസിങ് ആന്ഡ് മാര്ക്കറ്റിംഗ് കോ- ഓപ്പറേറ്റീവ് ലിമിറ്റഡ് ചെയര്മാന് അജിത് കര്ത്ത മുഖ്യപ്രഭാഷണം നടത്തും.
വെള്ളാങ്ങല്ലൂര് പഞ്ചായത്തംഗം മഞ്ജു അനിലന് പച്ചക്കറികളുടെ ആദ്യ വില്പ്പനയും വേളൂക്കര പഞ്ചായത്തംഗം രേണുക സജി വളം ആദ്യ വില്പ്പനയും നടത്തും.
മെഡിക്കല് ക്യാമ്പിന്റെ ഉദ്ഘാടനം മെഡിക്കല് ക്യാമ്പ് കോര്ഡിനേറ്റര് ജോണ്സണ് കോലങ്കണ്ണി നിര്വഹിക്കും.
രാവിലെ 11 മണി മുതല് നേത്ര- പ്രമേഹ- വൃക്ക രോഗ നിര്ണയ ക്യാമ്പ് നടക്കും.