നവ്യ നായരും സൗബിൻ ഷാഹിറും പ്രധാന വേഷങ്ങളിലെത്തിയ ക്രൈം ഡ്രാമ ത്രില്ലർ ചിത്രം ‘പാതിരാത്രി’യുടെ ഒടിടി റിലീസ് തീയതി പുറത്തുവിട്ടു. ഫെബ്രുവരി 20 മുതൽ സീ 5 ലൂടെയാണ് ചിത്രം സ്ട്രീമിങ് ആരംഭിക്കുന്നത്. മമ്മൂട്ടി ചിത്രം ‘പുഴു’വിന് ശേഷം റത്തീന സംവിധാനം ചെയ്ത ഈ ചിത്രം ഒരു പാതിരാത്രിയിൽ നടക്കുന്ന അപ്രതീക്ഷിത സംഭവങ്ങളെയാണ് ദൃശ്യവൽക്കരിക്കുന്നത്. ജാൻസി, ഹരീഷ് എന്നീ പോലീസ് ഉദ്യോഗസ്ഥരുടെ ജീവിതത്തിലൂടെ കടന്നുപോകുന്ന കഥാഗതി സസ്പെൻസിനൊപ്പം വൈകാരിക നിമിഷങ്ങൾക്കും പ്രാധാന്യം നൽകുന്നു.
സണ്ണി വെയ്ൻ, ആൻ അഗസ്റ്റിൻ എന്നിവർ നിർണ്ണായക വേഷങ്ങളിലെത്തുന്ന ചിത്രത്തിൽ ഇന്ദ്രൻസ്, ഹരിശ്രീ അശോകൻ, ശബരീഷ് വർമ്മ തുടങ്ങി വലിയൊരു താരനിര തന്നെ അണിനിരക്കുന്നുണ്ട്. ബെൻസി പ്രൊഡക്ഷൻസിന്റെ ബാനറിൽ ഒരുങ്ങിയ ഈ ചിത്രത്തിന് സംഗീതം നൽകിയിരിക്കുന്നത് ജേക്സ് ബിജോയ് ആണ്. തിയേറ്ററുകളിൽ മികച്ച പ്രതികരണം നേടിയ ‘പാതിരാത്രി’ ഒടിടി പ്ലാറ്റ്ഫോമിലും വലിയ തരംഗമാകുമെന്നാണ് ആരാധകർ പ്രതീക്ഷിക്കുന്നത്. ഷാജി മാറാടിന്റെ തിരക്കഥയിൽ ഒരുങ്ങിയ ഈ ത്രില്ലർ സിനിമയുടെ സംഗീത അവകാശം വൻ തുകയ്ക്കാണ് ടി-സീരീസ് സ്വന്തമാക്കിയിരുന്നത്.
The post തിയേറ്ററിലെ ആവേശം ഇനി ഒടിടിയിലേക്ക്! നവ്യ നായർ-സൗബിൻ ചിത്രം ‘പാതിരാത്രി’ സ്ട്രീമിങ് ഡേറ്റ് പ്രഖ്യാപിച്ചു appeared first on Express Kerala.