കടയിൽ പോയി പണം കളയേണ്ട; തിളങ്ങുന്ന ചർമ്മത്തിന് അടുക്കളയിലെ ഈ മാജിക് കൂട്ട് മതി

ചർമ്മത്തിന് തിളക്കവും ആരോഗ്യവും നൽകാൻ നമ്മുടെ അടുക്കളയിലെ അരിപ്പൊടി മാത്രം മതിയാകും. മൃതകോശങ്ങളെ നീക്കം ചെയ്യാനും മുഖക്കുരു, പാടുകൾ, വെയിലേറ്റുണ്ടാകുന്ന കരിവാളിപ്പ് എന്നിവ കുറയ്ക്കാനും അരിപ്പൊടിയിലടങ്ങിയിരിക്കുന്ന ആന്റിഓക്‌സിഡന്റുകൾ സഹായിക്കുന്നു. സ്ഥിരമായി അരിപ്പൊടി ഫേസ് പാക്കുകൾ ഉപയോഗിക്കുന്നത് ചർമ്മത്തെ കൂടുതൽ ശുദ്ധവും കാന്തിമയവുമാക്കും.

മുഖത്തിന്റെ തിളക്കം വർദ്ധിപ്പിക്കാൻ ആഗ്രഹിക്കുന്നവർക്ക് അരിപ്പൊടിയിൽ പാൽ ചേർത്ത് ഉപയോഗിക്കാവുന്നതാണ്. ചർമ്മത്തിന് ആവശ്യമായ പോഷണവും ഈർപ്പവും നൽകുന്നതിനൊപ്പം സ്കിൻ ടോൺ മെച്ചപ്പെടുത്താനും ഈ മിശ്രിതം സഹായിക്കും. കട്ടിയുള്ള പേസ്റ്റ് രൂപത്തിലാക്കി മുഖത്ത് പുരട്ടി 15 മിനിറ്റിന് ശേഷം കഴുകിക്കളയുന്നത് ആഴ്ചയിൽ രണ്ടോ മൂന്നോ തവണ ആവർത്തിക്കാം.

Also Read: മങ്കമാരുടെ മൂക്കുത്തി! അഴകിനപ്പുറത്തെ ആരോഗ്യ രഹസ്യം

കരിവാളിപ്പ് മാറി മുഖം പെട്ടെന്ന് തിളങ്ങാൻ അരിപ്പൊടിയിൽ തക്കാളി നീര് ചേർത്ത് ഉപയോഗിക്കുന്നത് ഗുണകരമാണ്. ഇതിലൂടെ ഒരാഴ്ചയ്ക്കുള്ളിൽ തന്നെ മാറ്റം ദൃശ്യമാകും. ചർമ്മം മൃദുവാക്കാനും പാടുകൾ കുറയ്ക്കാനും ആഗ്രഹിക്കുന്നവർക്ക് അരിപ്പൊടിയിൽ തേനും അല്പം റോസ് വാട്ടറും ചേർത്ത് പുരട്ടാവുന്നതാണ്. 20 മിനിറ്റിന് ശേഷം ഇത് കഴുകിക്കളയാം. കുറഞ്ഞ ചിലവിൽ പാർശ്വഫലങ്ങളില്ലാതെ ചർമ്മസംരക്ഷണം ഉറപ്പാക്കാൻ ഈ രീതികൾ ഏറെ ഫലപ്രദമാണ്.

The post കടയിൽ പോയി പണം കളയേണ്ട; തിളങ്ങുന്ന ചർമ്മത്തിന് അടുക്കളയിലെ ഈ മാജിക് കൂട്ട് മതി appeared first on Express Kerala.