റമദാൻ മാസത്തിൽ യുഎഇയിലെ സ്വകാര്യ മേഖലയിലെ ജീവനക്കാർക്ക് പ്രതിദിന ജോലി സമയത്തിൽ രണ്ട് മണിക്കൂർ ഇളവ് നിയമപരമായി ലഭിക്കുന്നുണ്ട്. ഈ നിശ്ചിത സമയത്തിന് ശേഷമുള്ള ജോലി ‘ഓവർടൈം’ ആയി പരിഗണിക്കപ്പെടും. പകൽ സമയത്താണ് അധിക ജോലി ചെയ്യുന്നതെങ്കിൽ, സാധാരണ മണിക്കൂർ ശമ്പളത്തോടൊപ്പം 25 ശതമാനം അധിക തുക കൂടി ലഭിക്കാൻ ജീവനക്കാരന് അർഹതയുണ്ട്. എന്നാൽ രാത്രി 10 മണിക്കും പുലർച്ചെ 4 മണിക്കും ഇടയിലാണ് ജോലിയെങ്കിൽ പ്രതിഫലം വർദ്ധിക്കും. സാധാരണ ശമ്പളത്തോടൊപ്പം 50 ശതമാനം അധിക തുകയാണ് ലഭിക്കുക. ഇനി ഔദ്യോഗിക അവധി ദിനത്തിലാണ് ജോലി ചെയ്യുന്നതെങ്കിൽ മറ്റൊരു ദിവസം പകരം അവധിയോ അല്ലെങ്കിൽ ശമ്പളത്തോടൊപ്പം 50 ശതമാനം അധിക തുകയോ തൊഴിലുടമ നൽകേണ്ടതാണ്.
അടിസ്ഥാന ശമ്പളത്തെ അടിസ്ഥാനമാക്കിയാണ് ഓവർടൈം നിരക്കുകൾ കണക്കാക്കുന്നത്. മന്ത്രാലയം നിശ്ചയിച്ചിട്ടുള്ള ഈ നിയമങ്ങൾ ലംഘിക്കപ്പെടുകയോ അർഹമായ ഓവർടൈം പ്രതിഫലം ലഭിക്കാതിരിക്കുകയോ ചെയ്താൽ ജീവനക്കാർക്ക് നിയമപരമായി പരാതി നൽകാൻ പൂർണ്ണ അവകാശമുണ്ട്. റമദാൻ മാസത്തിലെ ജോലി ഭാരം ലഘൂകരിക്കുന്നതിനും തൊഴിലാളികളുടെ അവകാശങ്ങൾ സംരക്ഷിക്കുന്നതിനുമായാണ് യുഎഇ തൊഴിൽ മന്ത്രാലയം ഈ കർശന നിർദ്ദേശങ്ങൾ പുറപ്പെടുവിച്ചിരിക്കുന്നത്.
The post യുഎഇയിൽ റമദാൻ ഓവർടൈം! അധികം ജോലി ചെയ്താൽ ജീവനക്കാർക്ക് ലഭിക്കുന്ന പ്രതിഫലം ഇങ്ങനെ! appeared first on Express Kerala.