ഹൃദയാരോഗ്യം മെച്ചപ്പെടുത്താനും ശരീരഭാരം കുറയ്ക്കാനും നാരുകൾ അടങ്ങിയ ഭക്ഷണങ്ങൾ അത്യാവശ്യമാണെന്ന് ആരോഗ്യവിദഗ്ദ്ധർ പറയുന്നു. മാറിക്കൊണ്ടിരിക്കുന്ന ഭക്ഷണശൈലിയിൽ ആരോഗ്യസംരക്ഷണം വെല്ലുവിളിയാകുന്ന കാലത്ത്, ഫൈബർ അഥവാ നാരുകൾ അടങ്ങിയ ഭക്ഷണങ്ങൾക്ക് പ്രധാന്യമേറുന്നു. നിത്യേനയുള്ള ഭക്ഷണത്തിൽ പയർവർഗ്ഗങ്ങളും പച്ചക്കറികളും ഉൾപ്പെടുത്തുന്നത് ജീവിതശൈലീ രോഗങ്ങളെ തടയാൻ സഹായിക്കുമെന്ന് പഠനങ്ങൾ വ്യക്തമാക്കുന്നു.
പ്രധാന നാരുകൾ ഇവയിൽ:
ഗ്രീൻ പീസ് & വെള്ളക്കടല: വേവിച്ച ഗ്രീൻ പീസിലും വെള്ളക്കടലയിലും വലിയ അളവിൽ ഫൈബർ അടങ്ങിയിട്ടുണ്ട്. ഇവ സാലഡുകളിലോ കറികളിലോ ഉൾപ്പെടുത്തുന്നത് വിശപ്പ് നിയന്ത്രിക്കാൻ സഹായിക്കും. എന്നാൽ കടല വർഗ്ഗങ്ങൾ ഉപയോഗിക്കുമ്പോൾ അവ വെള്ളത്തിൽ കുതിർക്കാൻ പ്രത്യേകം ശ്രദ്ധിക്കണം.
Also Read: ദിവസവും ഒന്നര മുട്ട കഴിച്ചാൽ അസ്ഥികൾക്ക് വജ്രായുധം; അസ്ഥിസാന്ദ്രത വർദ്ധിപ്പിക്കുമെന്ന് പുതിയ പഠനം
വൻപയർ: ഹൃദയാരോഗ്യം സംരക്ഷിക്കുന്നതിൽ വൻപയറിന് വലിയ പങ്കുണ്ട്. ഇത് ശരീരത്തിലെ ചീത്ത കൊളസ്ട്രോൾ നീക്കം ചെയ്യാൻ സഹായിക്കുന്നു.
ബ്രൊക്കോളി: മികച്ച ദഹനത്തിനും ഹൃദയത്തിന്റെ സുഗമമായ പ്രവർത്തനത്തിനും ബ്രൊക്കോളി ഭക്ഷണത്തിൽ ഉൾപ്പെടുത്തുന്നത് ഗുണകരമാണ്.
പയർവർഗ്ഗങ്ങൾ: ശരീരഭാരം കുറയ്ക്കാൻ ആഗ്രഹിക്കുന്നവർക്ക് പയർവർഗ്ഗങ്ങൾ ഉത്തമമാണ്. ഇവ കഴിക്കുന്നത് പെട്ടെന്ന് വയർ നിറഞ്ഞതായി തോന്നിപ്പിക്കുകയും അമിതഭക്ഷണം ഒഴിവാക്കാൻ സഹായിക്കുകയും ചെയ്യുന്നു.
എന്തുകൊണ്ട് ഫൈബർ?
ഭക്ഷണത്തിലെ നാരുകൾ ദഹനപ്രക്രിയ സുഗമമാക്കുകയും രക്തത്തിലെ പഞ്ചസാരയുടെ അളവ് ക്രമീകരിക്കുകയും ചെയ്യുന്നു. സ്ഥിരമായി ഫൈബർ അടങ്ങിയ പച്ചക്കറികൾ കഴിക്കുന്നത് കുടലിന്റെ ആരോഗ്യത്തിനും ക്യാൻസർ പോലുള്ള രോഗങ്ങളെ പ്രതിരോധിക്കാനും സഹായകമാണ്.
The post ആരോഗ്യത്തിന് ‘ഫൈബർ’ കരുത്ത്: ദഹനക്കേടും കൊളസ്ട്രോളും അകറ്റാൻ ഈ ഭക്ഷണങ്ങൾ ശീലമാക്കാം appeared first on Express Kerala.