പരിസ്ഥിതി സംരക്ഷണത്തിന് മുൻഗണന നൽകിക്കൊണ്ടുള്ള വികസന പദ്ധതികളാണ് കേരളം നടപ്പിലാക്കുന്നതെന്ന് മുഖ്യമന്ത്രി പിണറായി വിജയൻ. ഭാവി തലമുറയ്ക്കായി പ്രകൃതിയെയും പ്രകൃതിസമ്പത്തിനെയും കരുതിവെക്കുക എന്ന ലക്ഷ്യത്തോടെയാണ് ഹരിത കേരള മിഷൻ സർക്കാർ രൂപീകരിച്ചത്. ‘ഹരിത കേരളം’ ദേശീയ പരിസ്ഥിതി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിന്റെ ഈ വികസന മാതൃക രാജ്യത്തിനാകെ മാതൃകയാണെന്നും സീറോ കാർബൺ എമിഷൻ എന്ന ലക്ഷ്യത്തിലേക്ക് സംസ്ഥാനം അതിവേഗം മുന്നേറണമെന്നും മുഖ്യമന്ത്രി അഭിപ്രായപ്പെട്ടു.
ആഗോളതലത്തിൽ കാലാവസ്ഥാ വ്യതിയാനം, ജൈവവൈവിധ്യ ശോഷണം, ജലമലിനീകരണം എന്നിവ വലിയ വെല്ലുവിളികളാണെന്ന് മുഖ്യമന്ത്രി ചൂണ്ടിക്കാട്ടി. ഇത്തരം പാരിസ്ഥിതിക ആഘാതങ്ങളെ അതിജീവിക്കാൻ മാതൃകാപരമായ ഇടപെടലുകൾ അനിവാര്യമാണ്. പ്രകൃതിക്ക് ദോഷകരമായ പ്രവണതകളെ ചെറുത്തുകൊണ്ട് പരിസ്ഥിതി സന്തുലിതാവസ്ഥ നിലനിർത്താൻ ജനകീയ പങ്കാളിത്തത്തോടെയുള്ള പ്രവർത്തനങ്ങൾ ഉണ്ടാകണമെന്നും അദ്ദേഹം ആഹ്വാനം ചെയ്തു. പരിസ്ഥിതിക്ക് ആഘാതമേൽപ്പിക്കാത്ത സുസ്ഥിര വികസനമാണ് സർക്കാരിന്റെ നയമെന്നും അദ്ദേഹം വ്യക്തമാക്കി.
The post ‘പരിസ്ഥിതി സൗഹൃദ വികസനം കേരളത്തിന്റെ മാതൃക’; മുഖ്യമന്ത്രി appeared first on Express Kerala.