തിരുവനന്തപുരം കാട്ടാക്കടയിൽ രണ്ടര വയസ്സുകാരി ഐഷ ഫാത്തിമ മരിച്ച സംഭവത്തിൽ, മരണം ന്യൂമോണിയ മൂലമാണെന്ന് പ്രാഥമിക പോസ്റ്റ്മോർട്ടം റിപ്പോർട്ട്. ശ്വാസതടസ്സത്തെ തുടർന്ന് കാട്ടാക്കട മമ്മൽ ആശുപത്രിയിൽ ചികിത്സ തേടിയ കുട്ടിക്ക്, അവിടെ വെച്ച് നൽകിയ കുത്തിവെപ്പിന് പിന്നാലെയാണ് ആരോഗ്യനില വഷളായതെന്ന് കുടുംബം ആരോപിക്കുന്നു. ആശുപത്രിയുടെ ഭാഗത്തുനിന്നുണ്ടായ ചികിത്സാ പിഴവാണ് മരണകാരണമെന്നാണ് ബന്ധുക്കളുടെ പരാതി. എന്നാൽ, നിലവിൽ പുറത്തുവന്ന പ്രാഥമിക വിവരങ്ങൾ ന്യൂമോണിയയിലേക്കാണ് വിരൽ ചൂണ്ടുന്നത്. വിശദമായ പോസ്റ്റ്മോർട്ടം റിപ്പോർട്ട് ലഭിച്ചാൽ മാത്രമേ മരണകാരണത്തിൽ അന്തിമമായ സ്ഥിരീകരണം ഉണ്ടാവുകയുള്ളൂ.
The post കാട്ടാക്കടയിൽ രണ്ടര വയസ്സുകാരി മരിച്ച സംഭവം; ന്യൂമോണിയയെന്ന് പ്രാഥമിക പോസ്റ്റ്മോർട്ടം റിപ്പോർട്ട് appeared first on Express Kerala.