രുചിയുടെ തനിമയിൽ ചിക്കൻ ഇലയട! ഇഫ്താർ വിരുന്നുകൾക്ക് മാറ്റുകൂട്ടാൻ ഒരു നാടൻ വിഭവം

കേരളത്തിന്റെ തനതായ പലഹാരങ്ങളിൽ എന്നും മുൻപന്തിയിൽ നിൽക്കുന്ന ഇലയടയെ പുതുമയുള്ള രുചിയിൽ അവതരിപ്പിക്കുന്ന ഒന്നാണ് ‘ചിക്കൻ ഇലയട’. സാധാരണയായി കാണാറുള്ള മധുരമിട്ട തേങ്ങയും ശർക്കരയും ചേർത്ത ഫില്ലിംഗിന് പകരം, എരിവും മണവുമുള്ള ചിക്കൻ മസാല ചേർത്ത് തയ്യാറാക്കുന്ന ഈ വിഭവം ആരോഗ്യകരവും അത്യന്തം രുചികരവുമാണ്. വാഴയിലയുടെ സുഗന്ധം ആവിയിൽ വെന്ത മാവിലേക്കും മസാലയിലേക്കും പടരുമ്പോൾ ലഭിക്കുന്ന ആ പ്രത്യേക രുചി മലയാളികൾക്ക് എന്നും പ്രിയപ്പെട്ടതാണ്. വൈകുന്നേരത്തെ ചായയ്ക്കൊപ്പമോ വിശേഷ ദിവസങ്ങളിലോ വിളമ്പാൻ മികച്ചൊരു തിരഞ്ഞെടുപ്പാണ്.

ചേരുവകൾ

അരിപ്പൊടി- 1 കപ്പ്
വാഴയില
ചൂടുവെള്ളം- ആവശ്യത്തിന്
ഉപ്പ്- ഒരു നുള്ള
നെയ്യ്- 1 ടീസ്പൂൺ
ചിക്കൻ- 1 കപ്പ്
സവാള- 1
ഇഞ്ചി, വെളുത്തുള്ളി- 1 ടീസ്പൂൺ
കാരറ്റ്- 1/2
കാപ്സിക്കം- 1/2
മഞ്ഞൾപ്പൊടി- 1/2
മുളകുപൊടി- 1 ടീസ്പൂൺ
ഗരംമസാല- 1 ടീസ്പൂൺ
മല്ലിയില
ഉപ്പ്
എണ്ണ- 1 ടേബിൾസ്പൂൺ

തയ്യാറാക്കുന്ന വിധം

ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. ചെറുതായി അരിഞ്ഞ സവാള ഇതിലേയ്ക്ക് ചേർത്തു നന്നായി വഴറ്റാം.
സവാളയുടെ നിറം മാറി വരുമ്പോൾ ഇഞ്ചിയും വെളുത്തുള്ളിയും ചതച്ചതു ചേർത്തിളക്കി യോജിപ്പിക്കാം. ഇതിലേയ്ക്ക് ചിക്കൻ അരച്ചെടുത്തു ചേർക്കാം. ഇതിലേയ്ക്ക് ആവശ്യത്തിന് ഉപ്പ് ചേർത്ത് കുറഞ്ഞ തീയിൽ 5 മുതൽ 7 മിനിറ്റ് വരെ വേവിക്കാം. ഇത് വെന്തതിനു ശേഷം കാരറ്റ്, കാപ്സിക്കം എന്നിവ കൂടി ചേർത്തു വഴറ്റാം. തയ്യാറാക്കിയ ഫില്ലിംഗ് മാറ്റി വയ്ക്കാം. ഒരു ബൗളിലേയ്ക്ക് അരിപ്പൊടിയെടുക്കാം. ഇതിലേയ്ക്ക് ആവശ്യത്തിന് ഉപ്പും നെയ്യും ചേർത്തിളക്കി യോജിപ്പിക്കാം. മാവ് അധികം അയഞ്ഞു പോകാതെ ഇടിയപ്പത്തിന്റെ പരുവത്തിൽ കുഴച്ചെടുക്കാം.
വാഴയില തുടച്ചെടുത്ത് അതിലേയ്ക്ക് മാവ് വച്ച് പരത്താം. ഇതിലേയ്ക്ക് തയ്യാറാക്കിയ ഫില്ലിംഗ് വച്ച് മടക്കാം. ഇങ്ങനെ ആവശ്യത്തിന് മാവ് എടുത്ത് ഇലയിൽ വച്ച് മടക്കിയെടുക്കാം. ഇത് ഇഡ്ഡലി തട്ടിൽ വച്ച് ആവിയിൽ വേവിച്ചെടുക്കാം. ഇനി കഴിച്ചു നോക്കൂ.

The post രുചിയുടെ തനിമയിൽ ചിക്കൻ ഇലയട! ഇഫ്താർ വിരുന്നുകൾക്ക് മാറ്റുകൂട്ടാൻ ഒരു നാടൻ വിഭവം appeared first on Express Kerala.