കോഴിക്കോട്: വീടിന്റെ ടെറസിൽ ഗ്രോ ബാഗുകളിൽ കഞ്ചാവ് ചെടികൾ നട്ടുപരിപാലിച്ച യുവാവിനെ ബാലുശ്ശേരി പോലീസ് അറസ്റ്റ് ചെയ്തു. തലയാട് പടിക്കൽ വയൽ സ്വദേശിയായ അഭിനവിനെ (21) ആണ് പോലീസ് പിടികൂടിയത്. ബാലുശ്ശേരി പോലീസിന് ലഭിച്ച രഹസ്യ വിവരത്തെത്തുടർന്ന് അഭിനവിന്റെ വീട്ടിൽ നടത്തിയ പരിശോധനയിലാണ് മയക്കുമരുന്ന് കൃഷി പുറത്തായത്.
വീടിന്റെ ടെറസിൽ പാരപ്പറ്റിനോട് ചേർന്ന് അതീവ രഹസ്യമായി വളർത്തിയിരുന്ന പത്ത് കഞ്ചാവ് ചെടികളാണ് പോലീസ് സംഘം കണ്ടെടുത്തത്. ഇൻസ്പെക്ടർ ജിതേഷിന്റെ നിർദ്ദേശപ്രകാരം എസ്.ഐ വിഷ്ണു, സി.പി.ഒമാരായ അനിൽ ജോസ്, ജൂഹി ശശികുമാർ എന്നിവരടങ്ങുന്ന സംഘമാണ് പ്രതിയെ കസ്റ്റഡിയിലെടുത്തത്.
The post ടെറസിലെ ‘ഹൈടെക് കൃഷി’ കഞ്ചാവ്; ഗ്രോ ബാഗുമായി 21-കാരൻ പിടിയിൽ appeared first on Express Kerala.