നാനിയും സംവിധായകൻ ശ്രീകാന്ത് ഒഡേലയും വീണ്ടും ഒന്നിക്കുന്ന ബിഗ് ബജറ്റ് ചിത്രം ‘ദ പാരഡൈസി’ലെ ഗാനം പുറത്തിറങ്ങി. അനിരുദ്ധ് രവിചന്ദർ ഈണം പകർന്ന “ആയാ ഷേർ” എന്ന് തുടങ്ങുന്ന മാസ് ഗാനമാണ് അണിയറപ്രവർത്തകർ പുറത്തുവിട്ടത്. നൂറുകണക്കിന് നർത്തകർ അണിനിരന്ന വമ്പൻ സെറ്റിൽ അതീവ സ്റ്റൈലിഷ് ആയാണ് ഗാനം ചിത്രീകരിച്ചിരിക്കുന്നത്.
100 കോടി ക്ലബ്ബിൽ ഇടംപിടിച്ച ‘ദസറ’യ്ക്ക് ശേഷം നാനി-ശ്രീകാന്ത് ഒഡേല-സുധാകർ ചെറുകുറി ടീം ഒന്നിക്കുന്ന ചിത്രമാണിത്. ‘ജേഴ്സി’, ‘ഗ്യാങ് ലീഡർ’ എന്നീ ചിത്രങ്ങൾക്ക് ശേഷം നാനിയും അനിരുദ്ധും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ബോളിവുഡ് താരം രാഘവ് ജൂയാൽ, സമ്പൂർണേഷ് ബാബു എന്നിവർക്കൊപ്പം മോഹൻ ബാബു, സോണാലി കുൽക്കർണി, ഈശ്വരി റാവു തുടങ്ങിയ വൻ താരനിരയും ചിത്രത്തിലുണ്ട്.
Also Read: സ്വപ്നങ്ങൾ വേട്ടയാടാറുണ്ടോ? ജിത്തു ജോസഫിന്റെ ‘സീക്രട്ട് സ്റ്റോറീസ്: റോസ്ലിൻ’ ഫെബ്രുവരി 27 മുതൽ!
എസ്.എൽ.വി സിനിമാസിന്റെ ബാനറിൽ ഒരുങ്ങുന്ന ഈ പാൻ ഇന്ത്യൻ ചിത്രം 2026 മാർച്ച് 26-ന് ലോകമെമ്പാടുമുള്ള തിയേറ്ററുകളിലെത്തും. തെലുങ്ക്, മലയാളം, തമിഴ്, ഹിന്ദി, കന്നഡ എന്നിവയ്ക്ക് പുറമെ ബംഗാളി, ഇംഗ്ലീഷ്, സ്പാനിഷ് ഉൾപ്പെടെ എട്ട് ഭാഷകളിലായാണ് ചിത്രം പ്രദർശനത്തിനെത്തുന്നത്. സി.എച്ച് സായ് ഛായാഗ്രഹണവും നവീൻ നൂലി എഡിറ്റിംഗും നിർവഹിക്കുന്നു.
The post നാനി ചിത്രം ‘ദ പാരഡൈസ്’; അനിരുദ്ധിന്റെ സംഗീതത്തിൽ ആവേശം നിറച്ച് ‘ആയാ ഷേർ’! appeared first on Express Kerala.