ഇരിങ്ങാലക്കുട : അഖില കേരള പുലയോദ്ധാരണ സഭ 56-ാം സംസ്ഥാന സമ്മേളനം ഫെബ്രുവരി 28, മാർച്ച് 1 തിയ്യതികളിൽ സംഘടിപ്പിക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.
28ന് രാവിലെ 10 മണിക്ക് ചാലക്കുടി വി.ആർ. പുരം ചാത്തൻ മാസ്റ്റർ ഹാളിൽ നടക്കുന്ന പ്രതിനിധി സമ്മേളനം സനീഷ് കുമാർ ജോസഫ് എംഎൽഎ ഉദ്ഘാടനം ചെയ്യും.
2.30ന് “പട്ടികജാതിക്കാരും ആനുകൂല്യങ്ങളും” എന്ന വിഷയത്തിൽ ചാലക്കുടി എസ്സി ഡെവലപ്മെൻ്റ് ഓഫീസർ പി.യു. ചൈത്ര ക്ലാസ് നയിക്കും.
മാർച്ച് 1ന് ഉച്ചയ്ക്ക് 2 മണിക്ക് ഇരിങ്ങാലക്കുട കാട്ടുങ്ങച്ചിറ സെൻ്ററിൽ നിന്നും തുടങ്ങുന്ന സാംസ്കാരിക ഘോഷയാത്ര 4 മണിക്ക് ചാത്തൻ മാസ്റ്റർ ഹാളിൽ എത്തിച്ചേരും.
തുടർന്ന് നടക്കുന്ന സാംസ്കാരിക സമ്മേളനം റവന്യൂ – ഭവന നിർമ്മാണ വകുപ്പ് മന്ത്രി കെ. രാജൻ ഉദ്ഘാടനം ചെയ്യും.
അഖില കേരള പുലയോദ്ധാരണ സഭ സംസ്ഥാന പ്രസിഡൻ്റ് എ.കെ. ഷിബു, ചെയർമാൻ ഐ.കെ. ചന്ദ്രൻ, ട്രഷറർ പി.സി. ആനന്ദൻ, ട്രസ്റ്റ് പ്രസിഡൻ്റ് കെ.വി. ബാബുരാജ്, ട്രസ്റ്റ് സെക്രട്ടറി വി.വി. വേലായുധൻ എന്നിവർ പത്രസമ്മേളനത്തിൽ പങ്കെടുത്തു.
