ഡൽഹി: വിവാഹക്കാര്യം മറച്ചുവെച്ചതിനെച്ചൊല്ലിയുള്ള തർക്കത്തിനൊടുവിൽ ആൺസുഹൃത്തിന്റെ സ്വകാര്യഭാഗങ്ങൾ വികൃതമാക്കി യുവതി. വടക്കൻ ഡൽഹിയിലെ വസീറാബാദിലാണ് നടുക്കുന്ന സംഭവം നടന്നത്. ഉത്തർപ്രദേശ് സ്വദേശിയായ ഇരുപത്തിരണ്ടുകാരനാണ് ആക്രമണത്തിന് ഇരയായത്. സംഭവത്തിൽ ബിഹാർ കതിഹാർ സ്വദേശിനിയായ ആമിന എന്ന യുവതിക്കെതിരെ പോലീസ് കേസെടുത്തു.
കഴിഞ്ഞ രണ്ട് വർഷമായി ഇരുവരും ഡൽഹിയിൽ ഒന്നിച്ച് താമസിച്ചു വരികയായിരുന്നു. ഫെബ്രുവരി 24-ന് രാത്രിയായിരുന്നു സംഭവം. യുവാവിന്റെ മൊഴി പ്രകാരം, രാത്രിയിൽ പാലിൽ മയക്കുമരുന്ന് കലർത്തി നൽകി ആമിന ഇയാളെ അബോധാവസ്ഥയിലാക്കി. ബോധം ഭാഗികമായി മറഞ്ഞ അവസ്ഥയിലായിരുന്ന യുവാവിനെ മൂർച്ചയുള്ള ആയുധം ഉപയോഗിച്ച് യുവതി ആക്രമിക്കുകയായിരുന്നു. സ്വകാര്യഭാഗങ്ങളിൽ ഗുരുതരമായി പരിക്കേറ്റ യുവാവ് പിറ്റേന്ന് ഒറ്റയ്ക്കാണ് ഹിന്ദു റാവു ആശുപത്രിയിൽ ചികിത്സ തേടിയെത്തിയത്.
Also Read: പട്ടാമ്പിയിൽ പട്ടാപകൽ കവർച്ച; വീട്ടമ്മയുടെ മുഖത്ത് മുളകുപൊടി വിതറി മാലയും 7 ലക്ഷവും കവർന്നു
ആശുപത്രി അധികൃതർ വിവരമറിയിച്ചതിനെ തുടർന്ന് പോലീസ് എത്തി യുവാവിന്റെ മൊഴി രേഖപ്പെടുത്തി. മെഡിക്കോ-ലീഗൽ സർട്ടിഫിക്കറ്റിന്റെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചു. സംഭവത്തിന് ശേഷം ഒളിവിൽ പോയ യുവതിക്കായി തിരച്ചിൽ ഊർജിതമാക്കിയതായി വടക്കൻ ഡൽഹി പോലീസ് അറിയിച്ചു.
The post വിവാഹം മറച്ചുവെച്ചു; യുവാവിന്റെ സ്വകാര്യഭാഗങ്ങൾ വികൃതമാക്കി യുവതി appeared first on Express Kerala.