തദ്ദേശ സ്വയംഭരണ വകുപ്പിന് കീഴിലുള്ള ശുചിത്വ മിഷനിൽ അസിസ്റ്റന്റ് കോ-ഓർഡിനേറ്റർ തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ നിയമനത്തിനായി അപേക്ഷ ക്ഷണിച്ചു. പാലക്കാട്, കാസർഗോഡ്, പത്തനംതിട്ട എന്നീ ജില്ലാ ഓഫീസുകളിലെ ഓരോ ഒഴിവുകളിലേക്കാണ് സംസ്ഥാന സർക്കാർ സർവീസിലുള്ള ജീവനക്കാരിൽ നിന്നും അപേക്ഷ സ്വീകരിക്കുന്നത്. ശുചിത്വ മിഷൻ പ്രവർത്തനങ്ങളിൽ താല്പര്യമുള്ളവർക്ക് ഈ അവസരം പ്രയോജനപ്പെടുത്താവുന്നതാണ്.
അപേക്ഷകർ 39,300 – 83,000 ശമ്പള സ്കെയിലിൽ ജോലി ചെയ്യുന്നവരും വിവര-വിജ്ഞാന വ്യാപന മേഖലയിൽ താല്പര്യമുള്ളവരും ആയിരിക്കണം. ജേണലിസം, മാസ് കമ്മ്യൂണിക്കേഷൻ എന്നിവയിൽ ബിരുദമോ ബിരുദാനന്തര ബിരുദമോ അല്ലെങ്കിൽ എം.എസ്.ഡബ്ല്യു യോഗ്യതയുള്ളവർക്കും ബന്ധപ്പെട്ട മേഖലയിൽ കുറഞ്ഞത് രണ്ടു വർഷത്തെ പ്രവൃത്തിപരിചയമുള്ളവർക്കും നിയമനത്തിൽ മുൻഗണന ലഭിക്കും.
Also Read: ഇഗ്നോ 2026 ജനുവരി! അപേക്ഷാ പ്രക്രിയ ആരംഭിച്ചു
താല്പര്യമുള്ള ഉദ്യോഗസ്ഥർ നിശ്ചിത യോഗ്യതകൾ തെളിയിക്കുന്ന രേഖകളും നിലവിലെ വകുപ്പ് മേധാവിയുടെ നിരാക്ഷേപ പത്രവും സഹിതം മാർച്ച് 10-നകം അപേക്ഷ സമർപ്പിക്കണം. തിരുവനന്തപുരം വികാസ് ഭവനിലുള്ള സംസ്ഥാന ശുചിത്വ മിഷൻ എക്സിക്യൂട്ടീവ് ഡയറക്ടറുടെ ഓഫീസിലേക്ക് തപാലിലോ നേരിട്ടോ അപേക്ഷകൾ എത്തിക്കാം. അപേക്ഷയിൽ ഫോൺ നമ്പർ, ഇമെയിൽ ഐഡി എന്നിവ കൃത്യമായി രേഖപ്പെടുത്തേണ്ടതാണ്.
The post അസിസ്റ്റന്റ് ജില്ലാ കോ-ഓർഡിനേറ്റർ നിയമനം! ഡെപ്യൂട്ടേഷൻ വ്യവസ്ഥയിൽ അപേക്ഷ ക്ഷണിച്ചു appeared first on Express Kerala.