പശ്ചിമേഷ്യയിലെ യുദ്ധസമാനമായ സാഹചര്യങ്ങൾ ആഗോള സാമ്പത്തിക വിപണിയെ പിടിച്ചുലയ്ക്കുന്നു. ഇറാൻ പരമോന്നത നേതാവ് അലി ഖമേനി കൊല്ലപ്പെട്ടതിന് പിന്നാലെ മേഖലയിൽ സംഘർഷം കടുക്കുമെന്ന ആശങ്കയിൽ സുരക്ഷിത നിക്ഷേപം തേടി നിക്ഷേപകർ കൂട്ടത്തോടെ സ്വർണ്ണത്തിലേക്കും വെള്ളിയിലേക്കും തിരിഞ്ഞതോടെ വില കുതിച്ചുയർന്നു. തിങ്കളാഴ്ച എംസിഎക്സിൽ സ്വർണ്ണ ഫ്യൂച്ചറുകൾ 3.16 ശതമാനം വർധിച്ച് 10 ഗ്രാമിന് 1,67,221 രൂപ എന്ന റെക്കോർഡ് നിലവാരത്തിലെത്തി. വെള്ളി വിലയും 3.43 ശതമാനം ഉയർന്ന് കിലോയ്ക്ക് 2,92,347 രൂപയായി.
യുദ്ധഭീതിയും ആഗോള വിപണിയിൽ എണ്ണവില വർധിച്ചതും ഇന്ത്യൻ രൂപയ്ക്കും കനത്ത തിരിച്ചടിയായി. അമേരിക്കൻ ഡോളറിനെതിരെ രൂപയുടെ മൂല്യം 91-ന് താഴേക്ക് പതിച്ചു. ഇത് ഏകദേശം ഒരു മാസത്തിനിടയിലെ ഏറ്റവും താഴ്ന്ന നിലയാണ്. ശനിയാഴ്ച ഇറാനിൽ അമേരിക്കയും ഇസ്രയേലും നടത്തിയ സംയുക്ത മിസൈൽ ആക്രമണമാണ് നിലവിലെ പ്രകോപനങ്ങൾക്ക് കാരണം.
Also Read:പശ്ചിമേഷ്യ കത്തുമ്പോഴും സ്വർണം താഴേക്ക്; കുതിപ്പിന് പിന്നാലെ വൻ തകർച്ച!
അന്താരാഷ്ട്ര വിപണിയിൽ അസ്ഥിരത തുടരുമ്പോഴും പ്രാദേശിക വിപണിയിൽ നേരിയ വ്യത്യാസങ്ങൾ പ്രകടമാണ്. നിലവിൽ ഇന്ത്യയിൽ 24 കാരറ്റ് സ്വർണ്ണത്തിന് 10 ഗ്രാമിന് 1,69,800 രൂപയും, 22 കാരറ്റ് സ്വർണ്ണത്തിന് 1,55,650 രൂപയുമാണ് ശരാശരി വില.
The post യുദ്ധഭീതിയിൽ വിപണി വിറയ്ക്കുന്നു; സ്വർണ്ണവും വെള്ളിയും റെക്കോർഡ് ഉയരത്തിൽ, രൂപയ്ക്ക് തകർച്ച! appeared first on Express Kerala.