വെള്ളം ഒറ്റയടിക്ക് കുടിച്ച് ദാഹം മാറ്റാറുണ്ടോ? ചില അപകടങ്ങൾ പിന്നിലുണ്ട്

ദാഹം തോന്നുമ്പോൾ ഒരു ഗ്ലാസ് വെള്ളം എടുത്ത് ഒറ്റയടിക്ക് കുടിച്ചു തീർക്കുന്നത് നമുക്കിടയിൽ പതിവാണ്. എന്നാൽ ഈ ധൃതി ശരീരത്തിന് അത്ര നല്ലതല്ലെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു. വെള്ളം കുടിക്കുമ്പോൾ അത് ‘ചവച്ചു കുടിക്കണം’ എന്നാണ് പറയപ്പെടുന്നത്. അതായത്, ഓരോ തുള്ളിയും സാവകാശം ഉമിനീരുമായി കലർത്തി വേണം ഇറക്കാൻ. വെള്ളം സാവധാനം കുടിക്കുന്നത് ഉമിനീർ കലരാൻ സഹായിക്കുന്നു. ഇത് ദഹന എൻസൈമുകളെ ഉത്തേജിപ്പിക്കുകയും ആമാശയത്തിന് ദഹനപ്രക്രിയ ആരംഭിക്കാനുള്ള കൃത്യമായ സിഗ്നൽ നൽകുകയും ചെയ്യുന്നു.

അമിതവേഗത്തിൽ വെള്ളം കുടിച്ചാലുള്ള അപകടങ്ങൾ

വായ, തൊണ്ട, വയറ് എന്നിവയുടെ ഏകോപനം തെറ്റാൻ ഇത് കാരണമാകും. വേഗത്തിൽ വെള്ളം കുടിക്കുന്നത് അസിഡിറ്റി വർദ്ധിപ്പിക്കാൻ സാധ്യതയുണ്ട്. പെട്ടെന്ന് വെള്ളമിറക്കുമ്പോൾ അത് ശ്വാസനാളത്തിലേക്ക് കടക്കാൻ സാധ്യതയുണ്ട്. ഇത് കഠിനമായ ചുമയ്ക്കോ ശ്വാസംമുട്ടലിനോ, ചിലപ്പോൾ ജീവന് തന്നെ ഭീഷണിയായേക്കാവുന്ന അവസ്ഥയ്ക്കോ കാരണമാകാം.

Also Read: അവഗണിക്കരുത് ഈ ലക്ഷണങ്ങൾ; പ്രാരംഭത്തിൽ തിരിച്ചറിഞ്ഞാൽ ക്യാൻസറിനെ പ്രതിരോധിക്കാം

ശരിയായ രീതി എന്താണ്?

ഒറ്റയടിക്ക് വലിയ അളവിൽ വെള്ളം കുടിക്കുന്നതിന് പകരം, ചെറിയ ഇടവേളകളിൽ അല്പാല്പമായി കുടിക്കുന്നതാണ് ഉചിതം. ഇത് ശരീരത്തിലെ ജലസന്തുലിതാവസ്ഥയും ഇലക്ട്രോലൈറ്റ് ബാലൻസും കൃത്യമായി നിലനിർത്താൻ സഹായിക്കും. കുട്ടിക്കാലം മുതൽക്കേ ഈ ശീലം വളർത്തിയെടുക്കുന്നത് ഭാവിയിലെ ആരോഗ്യപ്രശ്നങ്ങൾ ഒഴിവാക്കാൻ ഗുണകരമാണ്.

NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)

The post വെള്ളം ഒറ്റയടിക്ക് കുടിച്ച് ദാഹം മാറ്റാറുണ്ടോ? ചില അപകടങ്ങൾ പിന്നിലുണ്ട് appeared first on Express Kerala.