ഉല്പാദന മേഖലയ്ക്ക് ഊന്നല്‍ നല്‍കി വെള്ളാങ്ങല്ലൂര്‍ പഞ്ചായത്ത് ബജറ്റ്

ഇരിങ്ങാലക്കുട : ഉല്പാദന മേഖലയ്ക്ക് പ്രാധാന്യം നല്‍കി കൊണ്ടുള്ള വെള്ളാങ്ങല്ലൂര്‍ പഞ്ചായത്തിൻ്റെ ബജറ്റ് വൈസ് പ്രസിഡന്റ് ഷംസു വെളുത്തേരി അവതരിപ്പിച്ചു.

61.29 കോടി രൂപ വരവും, 60.13 കോടി രൂപ ചെലവും, 1.16 കോടി രൂപ മിച്ചവും വരുന്ന 2026 – 27 സാമ്പത്തിക വര്‍ഷത്തെ ബജറ്റാണ് അവതരിപ്പിച്ചത്.

സേവന മേഖലയ്ക്ക് 13.14 കോടി രൂപയും, പശ്ചാത്തല മേഖലക്ക് 4.67 കോടി രൂപയും തൊഴിലുറപ്പ് പദ്ധതിക്ക് 4.04 കോടി രൂപയും ഭവന നിര്‍മ്മാണത്തിന് 9.26 കോടി രൂപയും പൊതു ശുചിത്വത്തിന് 50 ലക്ഷം രൂപയും, ആരോഗ്യ മേഖലയ്ക്ക് 81.15 ലക്ഷം രൂപയും, കുടിവെള്ളത്തിന് 1.20 കോടി രൂപയും പട്ടികജാതി ക്ഷേമത്തിന് 35 ലക്ഷം രൂപയും ബജറ്റിൽ വകയിരുത്തിയിട്ടുണ്ട്.

യോഗത്തില്‍ പ്രസിഡന്റ് സുലേഖ അബ്ദുള്ളക്കുട്ടി അധ്യക്ഷയായി.

വികസനകാര്യ സ്ഥിരം സമിതി അധ്യക്ഷ പ്രീതി, ക്ഷേമകാര്യ സ്ഥിരം സമിതി അധ്യക്ഷന്‍ രമേശ്‌ മാടത്തിങ്കല്‍, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ ഫസ്ന റിജാസ്, എ.എ. മുസമ്മില്‍, ബിജു പോള്‍, എം.എസ്. രഘുനാഥ്‌, റിയാസ് വെളുത്തേരി, ഷാജി ആറ്റാശ്ശേരി, ഗീത സുധാകരന്‍, പ്രിയ പത്മനാഭന്‍, മിനി രാജന്‍, പഞ്ചായത്ത് സെക്രട്ടറി കെ. ഋഷി എന്നിവര്‍ പ്രസംഗിച്ചു.