രുചിയൂറും മത്തി അച്ചാർ; മാസങ്ങളോളം കേടാകാതെ സൂക്ഷിക്കാൻ ഇതാ ചില വിദ്യകൾ!

ചോറിനൊപ്പം മീൻ കറിയും വറുത്തതുമൊക്കെ പതിവാണെങ്കിലും മത്തി കൊണ്ട് തയ്യാറാക്കുന്ന അച്ചാറിന് ആരാധകരേറെയാണ്. പ്രോട്ടീനും കാൽസ്യവും വിറ്റാമിൻ ഡി-യും സമൃദ്ധമായടങ്ങിയ മത്തി ഉപയോഗിച്ച് രുചികരവും ഗുണമേന്മയുള്ളതുമായ അച്ചാർ എങ്ങനെ തയ്യാറാക്കാമെന്നും മാസങ്ങളോളം അത് കേടാകാതെ എങ്ങനെ സൂക്ഷിക്കാമെന്നും നോക്കാം.

തയ്യാറാക്കുന്ന വിധം

വൃത്തിയാക്കിയ ചെറിയ മത്തിയിലേക്ക് ആവശ്യത്തിന് പച്ചക്കുരുമുളക് അരച്ചതും ഉപ്പും മഞ്ഞൾപ്പൊടിയും ചേർത്ത് അഞ്ച് മിനിറ്റ് വയ്ക്കുക. അച്ചാർ കൂടുതൽ കാലം കേടാകാതിരിക്കാൻ നല്ലെണ്ണയിൽ തന്നെ മീൻ വറുത്തെടുക്കാൻ ശ്രദ്ധിക്കണം. പാനിൽ നല്ലെണ്ണ ഒഴിച്ച് തീ കൂട്ടി വച്ച് മീൻ നന്നായി മൊരിച്ചെടുക്കുക. വറുത്ത മീൻ എണ്ണ മാറ്റാനായി ടിഷ്യൂ പേപ്പറിലേക്ക് മാറ്റാം.

Also Read: കഞ്ഞിക്കൊപ്പം കൂട്ടാൻ കൊങ്കണി സ്‌പെഷ്യൽ ‘നെല്ലിക്ക ഗൊജ്ജു’; മിനിറ്റുകൾക്കുള്ളിൽ തയ്യാറാക്കാം!

ഗ്രേവി തയ്യാറാക്കാം

മീൻ വറുത്ത അതേ എണ്ണയിൽ കടുക് പൊട്ടിച്ച ശേഷം വെളുത്തുള്ളി, ഇഞ്ചി, പച്ചമുളക് എന്നിവ ചേർത്ത് നന്നായി വഴറ്റുക. ഇവ നന്നായി മൊരിഞ്ഞു വരുമ്പോൾ ഗ്യാസ് ഓഫ് ചെയ്ത ശേഷം കറിവേപ്പില, കശ്മീരി മുളക്പ്പൊടി, മഞ്ഞൾപ്പൊടി, ഉലുവപ്പൊടി, കായപ്പൊടി, ഉപ്പ് എന്നിവ ചേർക്കാം. ഇതിലേക്ക് വറുത്ത മീൻ ചേർത്ത് നന്നായി യോജിപ്പിക്കുക. വീണ്ടും സ്റ്റൗ ഓണാക്കി ഗ്രേവി നന്നായി കുറുക്കിയെടുത്ത ശേഷം ആവശ്യത്തിന് വിനാഗിരി കൂടി ചേർത്ത് വാങ്ങി വെക്കാം.

ശ്രദ്ധിക്കേണ്ട കാര്യങ്ങൾ

അച്ചാർ നന്നായി തണുത്ത ശേഷം മാത്രം വായു കടക്കാത്ത കുപ്പിയിലാക്കി സൂക്ഷിക്കുക. ഓരോ തവണ ഉപയോഗിക്കുമ്പോഴും നനവില്ലാത്ത സ്പൂൺ മാത്രം ഉപയോഗിക്കുക. ഇത്തരത്തിൽ തയ്യാറാക്കിയാൽ ഒന്നര മാസത്തോളം അച്ചാർ കേടാകാതെ ഇരിക്കും.

NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)

The post രുചിയൂറും മത്തി അച്ചാർ; മാസങ്ങളോളം കേടാകാതെ സൂക്ഷിക്കാൻ ഇതാ ചില വിദ്യകൾ! appeared first on Express Kerala.