പാലക്കാട് സിപിഎം ജില്ലാ നേതൃത്വത്തിനെതിരെ കടുത്ത ആരോപണങ്ങളുമായി മുൻ എംഎൽഎ പി.കെ. ശശിയുടെ നേതൃത്വത്തിൽ നടന്ന വിമത കൺവെൻഷൻ രാഷ്ട്രീയ കേന്ദ്രങ്ങളിൽ വലിയ ചർച്ചയാകുന്നു. പാലക്കാട് പാർവതി കല്യാണമണ്ഡപത്തിൽ നടന്ന മാർക്സിസ്റ്റ് കൂട്ടായ്മയുടെ ജില്ലാ കൺവെൻഷൻ ഉദ്ഘാടനം ചെയ്തുകൊണ്ട് പി.കെ. ശശി നടത്തിയ പ്രസംഗം നിലവിലെ ജില്ലാ നേതൃത്വത്തെ അക്ഷരാർത്ഥത്തിൽ പ്രതിക്കൂട്ടിലാക്കുന്നതായിരുന്നു. മദ്യപാന സദസ്സുകളിൽ വെച്ച് ലോക്കൽ സെക്രട്ടറിമാരെ തീരുമാനിക്കുന്ന അവസ്ഥയിലേക്ക് കമ്മ്യൂണിസ്റ്റ് പാർട്ടി അധഃപതിച്ചുവെന്നും അഴിമതിയും സ്പിരിറ്റ് കച്ചവടവുമാണ് ഇന്ന് പാർട്ടിയിൽ നടക്കുന്നതെന്നും അദ്ദേഹം തുറന്നടിച്ചു.
ഇമ്പിച്ചിബാവയെപ്പോലുള്ള മഹാരഥന്മാർ ഇരുന്ന ജില്ലാ സെക്രട്ടറിയുടെ കസേരയിൽ ഇന്ന് സ്പിരിറ്റ് കച്ചവടക്കാരാണ് ഇരിക്കുന്നതെന്ന് സി.പി.എം. ജില്ലാ സെക്രട്ടറി ഇ.എൻ. സുരേഷ് ബാബുവിനെ പേരെടുത്ത് പറയാതെ ശശി വിമർശിച്ചു. ഉത്തരവാദിത്തപ്പെട്ട സ്ഥാനത്തിരിക്കുന്നവർ സ്പിരിറ്റ് കേസിൽ പ്രതികളാകുന്ന സാഹചര്യം ചോദ്യം ചെയ്യപ്പെടേണ്ടതാണെന്നും അദ്ദേഹം വ്യക്തമാക്കി. പാർട്ടിക്കകത്തെ അനീതികൾക്കെതിരെ ശബ്ദമുയർത്തിയവരെ ക്രൂരമായി പീഡിപ്പിക്കുകയും ജോലിയിൽ നിന്ന് പിരിച്ചുവിടുകയും ചെയ്യുന്ന സമീപനമാണ് നിലവിലുള്ളതെന്നും അത്തരത്തിൽ പുറത്താക്കപ്പെട്ട നിരവധി സഖാക്കൾ തങ്ങൾക്കൊപ്പമുണ്ടെന്നും ശശി കൂട്ടിച്ചേർത്തു.
ഇതൊരു വിമത കൺവെൻഷനല്ലെന്നും മറിച്ച് വിപ്ലവകാരികളായ കമ്മ്യൂണിസ്റ്റുകളുടെ ഒത്തുചേരലാണെന്നുമാണ് അദ്ദേഹം വിശേഷിപ്പിച്ചത്. മുമ്പെങ്ങുമില്ലാത്ത വിധം പണപ്പിരിവ് നടക്കുന്നുവെന്നും അധികാരം ദുരുപയോഗം ചെയ്ത് പ്രവർത്തകരെ വേട്ടയാടുകയാണെന്നും അദ്ദേഹം ആരോപിച്ചു. കൊഴിഞ്ഞാമ്പാറയിലെ ഡെമോക്രാറ്റിക് മാർക്സിസ്റ്റ് ഫ്രണ്ട്, വോയ്സ് ഓഫ് വടക്കഞ്ചേരി, മണ്ണാർക്കാട്ടെ ജനകീയ മതേതര മുന്നണി എന്നീ കൂട്ടായ്മകളും കൺവെൻഷനിൽ അണിനിരന്നു. നിലവിലെ ജില്ലാ കമ്മിറ്റിയിലെ അഞ്ച് അംഗങ്ങളുടെ മാനസിക പിന്തുണ തങ്ങൾക്കുണ്ടെന്ന് വിമത നേതാവ് എം. സതീഷ് അവകാശപ്പെട്ടത് സിപിഎം ഔദ്യോഗിക നേതൃത്വത്തിന് വലിയ തലവേദനയായി മാറിയിട്ടുണ്ട്.
പാലക്കാട്: പാലക്കാട് സിപിഎം ജില്ലാ നേതൃത്വത്തിനെതിരെ കടുത്ത ആരോപണങ്ങളുമായി മുൻ എംഎൽഎ പി.കെ. ശശിയുടെ നേതൃത്വത്തിൽ നടന്ന വിമത കൺവെൻഷൻ രാഷ്ട്രീയ കേന്ദ്രങ്ങളിൽ വലിയ ചർച്ചയാകുന്നു. പാലക്കാട് പാർവതി കല്യാണമണ്ഡപത്തിൽ നടന്ന മാർക്സിസ്റ്റ് കൂട്ടായ്മയുടെ ജില്ലാ കൺവെൻഷൻ ഉദ്ഘാടനം ചെയ്തുകൊണ്ട് പി.കെ. ശശി നടത്തിയ പ്രസംഗം നിലവിലെ ജില്ലാ നേതൃത്വത്തെ അക്ഷരാർത്ഥത്തിൽ പ്രതിക്കൂട്ടിലാക്കുന്നതായിരുന്നു. മദ്യപാന സദസ്സുകളിൽ വെച്ച് ലോക്കൽ സെക്രട്ടറിമാരെ തീരുമാനിക്കുന്ന അവസ്ഥയിലേക്ക് കമ്മ്യൂണിസ്റ്റ് പാർട്ടി അധഃപതിച്ചുവെന്നും അഴിമതിയും സ്പിരിറ്റ് കച്ചവടവുമാണ് ഇന്ന് പാർട്ടിയിൽ നടക്കുന്നതെന്നും അദ്ദേഹം തുറന്നടിച്ചു.
Also Read:ജി സുധാകരനെ അവഹേളിച്ചത് ശശിയായില്ല; രമേശ് ചെന്നിത്തല
ഇമ്പിച്ചിബാവയെപ്പോലുള്ള മഹാരഥന്മാർ ഇരുന്ന ജില്ലാ സെക്രട്ടറിയുടെ കസേരയിൽ ഇന്ന് സ്പിരിറ്റ് കച്ചവടക്കാരാണ് ഇരിക്കുന്നതെന്ന് സി.പി.എം. ജില്ലാ സെക്രട്ടറി ഇ.എൻ. സുരേഷ് ബാബുവിനെ പേരെടുത്ത് പറയാതെ ശശി വിമർശിച്ചു. ഉത്തരവാദിത്തപ്പെട്ട സ്ഥാനത്തിരിക്കുന്നവർ സ്പിരിറ്റ് കേസിൽ പ്രതികളാകുന്ന സാഹചര്യം ചോദ്യം ചെയ്യപ്പെടേണ്ടതാണെന്നും അദ്ദേഹം വ്യക്തമാക്കി. പാർട്ടിക്കകത്തെ അനീതികൾക്കെതിരെ ശബ്ദമുയർത്തിയവരെ ക്രൂരമായി പീഡിപ്പിക്കുകയും ജോലിയിൽ നിന്ന് പിരിച്ചുവിടുകയും ചെയ്യുന്ന സമീപനമാണ് നിലവിലുള്ളതെന്നും അത്തരത്തിൽ പുറത്താക്കപ്പെട്ട നിരവധി സഖാക്കൾ തങ്ങൾക്കൊപ്പമുണ്ടെന്നും ശശി കൂട്ടിച്ചേർത്തു.
ഇതൊരു വിമത കൺവെൻഷനല്ലെന്നും മറിച്ച് വിപ്ലവകാരികളായ കമ്മ്യൂണിസ്റ്റുകളുടെ ഒത്തുചേരലാണെന്നുമാണ് അദ്ദേഹം വിശേഷിപ്പിച്ചത്. മുമ്പെങ്ങുമില്ലാത്ത വിധം പണപ്പിരിവ് നടക്കുന്നുവെന്നും അധികാരം ദുരുപയോഗം ചെയ്ത് പ്രവർത്തകരെ വേട്ടയാടുകയാണെന്നും അദ്ദേഹം ആരോപിച്ചു. കൊഴിഞ്ഞാമ്പാറയിലെ ഡെമോക്രാറ്റിക് മാർക്സിസ്റ്റ് ഫ്രണ്ട്, വോയ്സ് ഓഫ് വടക്കഞ്ചേരി, മണ്ണാർക്കാട്ടെ ജനകീയ മതേതര മുന്നണി എന്നീ കൂട്ടായ്മകളും കൺവെൻഷനിൽ അണിനിരന്നു. നിലവിലെ ജില്ലാ കമ്മിറ്റിയിലെ അഞ്ച് അംഗങ്ങളുടെ മാനസിക പിന്തുണ തങ്ങൾക്കുണ്ടെന്ന് വിമത നേതാവ് എം. സതീഷ് അവകാശപ്പെട്ടത് സിപിഎം ഔദ്യോഗിക നേതൃത്വത്തിന് വലിയ തലവേദനയായി മാറിയിട്ടുണ്ട്.
The post ഇത് വിമതരുടെയല്ല, വിപ്ലവകാരികളുടെ കൺവെൻഷൻ; പി കെ ശശി appeared first on Express Kerala.
