കൊച്ചിയിൽ വന്ദേ ഭാരത് എക്സ്പ്രസ് ട്രെയിനിന് നേരെ കല്ലേറുണ്ടായി. ഇന്നലെ രാത്രി എട്ടിനും ഒൻപതിനും ഇടയിൽ അങ്കമാലി – ആലുവ പാതയിൽ വെച്ചാണ് സംഭവം നടന്നത്. ആക്രമണത്തിൽ ട്രെയിനിന്റെ ഗ്ലാസിന് കേടുപാടുകൾ സംഭവിച്ചെങ്കിലും യാത്രക്കാർക്ക് ആർക്കെങ്കിലും പരിക്കേറ്റതായി വിവരമില്ല. സംഭവത്തെത്തുടർന്ന് റെയിൽവേ പൊലീസ് ഊർജിതമായ അന്വേഷണം ആരംഭിച്ചിട്ടുണ്ട്. റെയിൽവേ പാതയ്ക്ക് സമീപത്തെ സിസിടിവി ദൃശ്യങ്ങൾ കേന്ദ്രീകരിച്ചാണ് നിലവിൽ പ്രതികൾക്കായുള്ള തിരച്ചിൽ നടക്കുന്നത്. ട്രെയിനുകൾക്ക് നേരെയുള്ള ഇത്തരം ആക്രമണങ്ങൾ തടയാൻ കർശന നടപടികൾ സ്വീകരിക്കുമെന്ന് അധികൃതർ വ്യക്തമാക്കി.
The post വന്ദേ ഭാരതിന് നേരെ കല്ലേറ്; അങ്കമാലിയിൽ ട്രെയിനിന്റെ ചില്ല് തകർന്നു, പ്രതികൾക്കായി തിരച്ചിൽ appeared first on Express Kerala.
