തൃശൂർ : തനിക്ക് എതിരെ പോസ്റ്റർ പതിച്ചതിൽ പൊലീസിൽ പരാതി നൽകി കോൺഗ്രസ് നേതാവ് ടി.എൻ. പ്രതാപൻ. തൃശൂർ സിറ്റി പൊലീസ് കമ്മീഷണർക്ക് ആണ് പരാതി നൽകിയത്. വ്യക്തിവിരോധം തീർക്കുന്നതിനും രാഷ്ട്രീയമായി ആക്രമിക്കുന്നതിനുമായാണ് പോസ്റ്റർ പതിച്ചതെന്നാണ് ടി.എൻ. പ്രതാപൻ പരാതിയിൽ പറയുന്നത്. ഈ സംഭവത്തിന് പിന്നിലുള്ളവരെയും ഇവരുടെ ഉദ്ദേശലക്ഷ്യമെന്തെന്ന് കണ്ടെത്തണമെന്നും പ്രതാപന്റെ പരാതിയിൽ പറയുന്നു.
