പശ്ചിമേഷ്യയിൽ നിലനിൽക്കുന്ന യുദ്ധസമാനമായ സാഹചര്യം കണക്കിലെടുത്ത് അഫ്ഗാനിസ്ഥാനും ശ്രീലങ്കയും തമ്മിൽ നടത്താനിരുന്ന ക്രിക്കറ്റ് പരമ്പര മാറ്റിവെച്ചു. താരങ്ങളുടെ യാത്രാ സൗകര്യങ്ങൾ ഒരുക്കുന്നതിലുണ്ടായ പ്രതിസന്ധിയും വിമാന സർവീസുകളിലെ നിയന്ത്രണങ്ങളുമാണ് പരമ്പര ഒഴിവാക്കാൻ കാരണമായത്.
ഈ വർഷം മാർച്ചിൽ യുഎഇയിൽ വെച്ച് നടക്കേണ്ടിയിരുന്ന മത്സരങ്ങൾ 2026 അവസാനത്തോടെ നടത്തുമെന്ന് അഫ്ഗാനിസ്ഥാൻ ക്രിക്കറ്റ് ബോർഡ് അറിയിച്ചു. മാർച്ച് 13 മുതൽ 25 വരെ ഷാർജയിലും ദുബായിലുമായി മൂന്ന് ടി20 മത്സരങ്ങളും മൂന്ന് ഏകദിനങ്ങളുമാണ് നിശ്ചയിച്ചിരുന്നത്.
Also Read:ധാക്കയിൽ പാക് തകർച്ച; നഹീദ് റാണയുടെ അഞ്ച് വിക്കറ്റ് പ്രകടനത്തിൽ പാകിസ്ഥാൻ 114-ന് പുറത്ത്
എന്നാൽ അമേരിക്ക, ഇസ്രയേൽ, ഇറാൻ തുടങ്ങിയ രാജ്യങ്ങൾ ഉൾപ്പെട്ട പശ്ചിമേഷ്യൻ സംഘർഷം രൂക്ഷമായതോടെ ടീമുകളുടെ യാത്രയും ഒരുക്കങ്ങളും തടസ്സപ്പെട്ടു. ഈ പ്രതിസന്ധി കണക്കിലെടുത്ത് പരമ്പര മാറ്റിവെക്കാനുള്ള തീരുമാനത്തിന് ശ്രീലങ്കൻ ക്രിക്കറ്റ് ബോർഡും അംഗീകാരം നൽകി. പുതുക്കിയ പരമ്പരയ്ക്കും യുഎഇ തന്നെ വേദിയായേക്കും.
The post പശ്ചിമേഷ്യൻ സംഘർഷം! അഫ്ഗാൻ-ശ്രീലങ്ക ക്രിക്കറ്റ് പരമ്പര മാറ്റിവെച്ചു; മത്സരങ്ങൾ 2026 അവസാനത്തോടെ appeared first on Express Kerala.
