ജി. സുധാകരൻ തീരുമാനം മാറ്റുന്നതാണ് നല്ലത്; വിമർശനവുമായി എം.എ. ബേബി

സിപിഎം നേതാവ് ജി. സുധാകരൻ അമ്പലപ്പുഴയിൽ സ്വതന്ത്ര സ്ഥാനാർത്ഥിയായി മത്സരിക്കുമെന്ന് പ്രഖ്യാപിച്ചതിന് പിന്നാലെ രൂക്ഷവിമർശനവുമായി സിപിഎം നേതൃത്വം. സുധാകരന്റെ പ്രഖ്യാപനം ദൗർഭാഗ്യകരമാണെന്നും ഈ തീരുമാനം അദ്ദേഹം പുനഃപരിശോധിക്കുന്നതാണ് പാർട്ടിക്കും അദ്ദേഹത്തിനും നല്ലതെന്നും സിപിഎം ജനറൽ സെക്രട്ടറി എം.എ. ബേബി വ്യക്തമാക്കി.

പാർട്ടിയിൽ നിന്നും നേരിടുന്ന അവഗണനയും ബ്രാഞ്ച് തലത്തിൽ പോലും പ്രവർത്തിക്കാൻ അനുവദിക്കാത്ത സാഹചര്യവുമാണ് തന്നെ ഇത്തരമൊരു തീരുമാനത്തിലേക്ക് നയിച്ചതെന്നാണ് സുധാകരൻ വാർത്താസമ്മേളനത്തിൽ പറഞ്ഞത്. ആരുടെയും പിന്തുണ തേടിയിട്ടില്ലെന്നും പിന്തുണയുമായി ആരെങ്കിലും വന്നാൽ അപ്പോൾ തീരുമാനിക്കുമെന്നും അദ്ദേഹം കൂട്ടിച്ചേർത്തു. എന്നാൽ മുതിർന്ന ഒരു നേതാവിൽ നിന്ന് ഇത്തരമൊരു നീക്കം പ്രതീക്ഷിച്ചിരുന്നില്ലെന്ന് എം.എ. ബേബി പ്രതികരിച്ചു.

The post ജി. സുധാകരൻ തീരുമാനം മാറ്റുന്നതാണ് നല്ലത്; വിമർശനവുമായി എം.എ. ബേബി appeared first on Express Kerala.