ഗർഭിണിയല്ല, സാരി ചതിച്ചതാണ്! വൈറൽ വാർത്തകൾക്ക് നീന ഗുപ്തയുടെ മറുപടി

രശ്മിക മന്ദാനയുടെയും വിജയ് ദേവരകൊണ്ടയുടെയും വിവാഹ റിസപ്ഷനിൽ പങ്കെടുത്തതിന് പിന്നാലെ ബോളിവുഡ് നടി നീന ഗുപ്തയെക്കുറിച്ച് പ്രചരിച്ച വാർത്തകൾക്ക് രസകരമായ മറുപടിയുമായി താരം തന്നെ രംഗത്ത്. 66-ാം വയസ്സിൽ നീന വീണ്ടും ഗർഭിണിയായെന്ന തരത്തിലുള്ള അഭ്യൂഹങ്ങളായിരുന്നു സോഷ്യൽ മീഡിയയിൽ പ്രചരിച്ചത്.

ബോളിവുഡ് ഹംഗാമയ്ക്ക് നൽകിയ അഭിമുഖത്തിൽ പൊട്ടിച്ചിരിച്ചു കൊണ്ടാണ് താരം ഇതിനോട് പ്രതികരിച്ചത്. “റിയൽ ലൈഫ് ബദായി ഹോ” (നീന ഗുപ്തയുടെ പ്രശസ്തമായ സിനിമ) എന്നാണ് ഈ വാർത്തകളെ താരം വിശേഷിപ്പിച്ചത്. താൻ ഗർഭിണിയല്ലെന്നും അന്ന് ധരിച്ചിരുന്ന സാരിയുടെ മെറ്റീരിയൽ കട്ടിയുള്ളതായതുകൊണ്ട് വയറിന്റെ ഭാഗം വീർത്തുനിന്നതാണ് തെറ്റിദ്ധാരണയ്ക്ക് കാരണമായതെന്നും നീന വ്യക്തമാക്കി. എങ്കിലും തന്റെ ഈ പ്രായത്തിലും ഇത്തരം വാർത്തകൾ വരുന്നത് താൻ ആസ്വദിക്കുന്നുണ്ടെന്ന് താരം തമാശരൂപേണ കൂട്ടിച്ചേർത്തു.

Also Read:നാല് വർഷത്തെ ദാമ്പത്യത്തിന് വിരാമം; ഹൻസികയും സോഹേലും വിവാഹമോചിതരായി

വിൻഡീസ് ക്രിക്കറ്റ് ഇതിഹാസം വിവിയൻ റിച്ചാർഡ്‌സുമായുള്ള ബന്ധത്തിലുണ്ടായ മകൾ മസാബ ഗുപ്തയെ ഒറ്റയ്ക്ക് വളർത്തിയ നീനയുടെ ജീവിതം എന്നും വാർത്തകളിൽ ഇടംപിടിച്ചിട്ടുണ്ട്. 2008-ലാണ് താരം വിവേക് മെഹ്‌റയെ വിവാഹം കഴിച്ചത്.

The post ഗർഭിണിയല്ല, സാരി ചതിച്ചതാണ്! വൈറൽ വാർത്തകൾക്ക് നീന ഗുപ്തയുടെ മറുപടി appeared first on Express Kerala.