തിരഞ്ഞെടുപ്പിനോടനുബന്ധിച്ച് എക്സൈസ് വകുപ്പ് നടത്തിവരുന്ന സ്പെഷ്യൽ ഡ്രൈവിന്റെ ഭാഗമായി ആലപ്പുഴയിൽ വൻതോതിൽ വാറ്റും ചാരായവും പിടികൂടി. ആര്യാട് തെക്ക് വില്ലേജിൽ കാഞ്ഞിരംചിറ സ്വദേശിയായ പീറ്റർ ബെന്നി (54) ആണ് എക്സൈസ് സംഘത്തിന്റെ പിടിയിലായത്. എക്സൈസ് എൻഫോഴ്സ്മെന്റ് & ആന്റി നർക്കോട്ടിക് സ്പെഷ്യൽ സ്ക്വാഡ് ഇൻസ്പെക്ടർ ദിലീപ് സി.പിയുടെ നേതൃത്വത്തിലായിരുന്നു ഈ മിന്നൽ പരിശോധന നടന്നത്.
പ്രതിയുടെ വീട്ടിൽ നിന്ന് 50 ലിറ്റർ കോടയും 500 മില്ലി ലിറ്റർ ചാരായവും വാറ്റാനുപയോഗിക്കുന്ന വിവിധ ഉപകരണങ്ങളും ഉദ്യോഗസ്ഥർ കണ്ടെടുത്തു. സംഭവസ്ഥലത്ത് വെച്ച് തന്നെ അറസ്റ്റ് രേഖപ്പെടുത്തിയ പ്രതിക്കെതിരെ കേരള അബ്കാരി നിയമപ്രകാരം കേസെടുത്തു. ഇയാളെ ഉടൻ തന്നെ കോടതിയിൽ ഹാജരാക്കുമെന്ന് അധികൃതർ അറിയിച്ചു. വരും ദിവസങ്ങളിലും പരിശോധനകൾ കർശനമായി തുടരാനാണ് എക്സൈസ് വകുപ്പിന്റെ തീരുമാനം.
The post ആലപ്പുഴയിൽ ചാരായവും വാറ്റുപകരണങ്ങളുമായി ഒരാൾ പിടിയിൽ appeared first on Express Kerala.
