ഹോർമുസ് കടലിടുക്കിൽ സൈനിക നീക്കത്തിനില്ല; ട്രംപിന്റെ പടയൊരുക്കത്തിന് യൂറോപ്പിന്റെ ‘നോ’

ഹോർമുസ് കടലിടുക്കിലെ സുരക്ഷാ ദൗത്യത്തിൽ പങ്കുചേരാനുള്ള അമേരിക്കൻ പ്രസിഡന്റ് ഡോണൾഡ് ട്രംപിന്റെ ആഹ്വാനത്തോട് മുഖം തിരിച്ച് യൂറോപ്യൻ രാജ്യങ്ങൾ. ഇറാനെതിരെയുള്ള സൈനിക നീക്കങ്ങളിൽ പങ്കാളികളാകില്ലെന്ന് ജർമ്മനിയും സ്പെയിനും ഉൾപ്പെടെയുള്ള പ്രമുഖ ശക്തികൾ വ്യക്തമാക്കി. ആഗോള എണ്ണ-വാതക വിതരണത്തിൽ നിർണ്ണായകമായ ഈ മേഖലയിൽ യുദ്ധസമാനമായ അന്തരീക്ഷം ഒഴിവാക്കണമെന്നാണ് യൂറോപ്യൻ യൂണിയന്റെ പൊതുനിലപാട്.

സൈനിക നടപടിയല്ല, മറിച്ച് നയതന്ത്ര ചർച്ചകളാണ് പ്രശ്നപരിഹാരത്തിന് വേണ്ടതെന്ന് ഇറ്റാലിയൻ വിദേശകാര്യ മന്ത്രി അന്റോണിയോ തജാനി പ്രതികരിച്ചു. നിലവിലെ നാവിക ദൗത്യങ്ങൾ ഹോർമുസ് മേഖലയിലേക്ക് വ്യാപിപ്പിക്കാൻ ഉദ്ദേശിക്കുന്നില്ലെന്ന് ഇറ്റലിയും ഗ്രീസും ഔദ്യോഗികമായി അറിയിച്ചു. ജർമ്മനിയും സ്പെയിനും സൈനിക നീക്കങ്ങളിൽ പങ്കുചേരില്ലെന്ന് പറഞ്ഞു. ഇറാനുമായി ഒരു വിപുലമായ യുദ്ധത്തിന് താൽപ്പര്യമില്ലെന്ന് ബ്രിട്ടൻ പ്രധാനമന്ത്രി കീർ സ്റ്റാർമർ വ്യക്തമാക്കി. എന്നാൽ പ്രായോഗികമായ സുരക്ഷാ പദ്ധതികൾക്കായി സഹകരിക്കും. ഡെന്മാർക്ക് വിദേശകാര്യ മന്ത്രി ലാർസ് ലോക്കെ റാസ്‌മുസെൻ ട്രംപിന്റെ ക്ഷണം അവ്യക്തമെന്ന് വിശേഷിപ്പിച്ചു. യൂറോപ്യൻ യൂണിയനുമായി ചർച്ച ചെയ്ത ശേഷം മാത്രമേ അന്തിമ തീരുമാനമെടുക്കൂവെന്ന് വ്യക്തമാക്കി.

The post ഹോർമുസ് കടലിടുക്കിൽ സൈനിക നീക്കത്തിനില്ല; ട്രംപിന്റെ പടയൊരുക്കത്തിന് യൂറോപ്പിന്റെ ‘നോ’ appeared first on Express Kerala.