‘തട്ട് താണു തന്നെ ഇരിക്കും’; വിവാദങ്ങൾക്കിടെ പുതിയ പോസ്റ്ററുമായി എൻഡിഎ സ്ഥാനാർത്ഥി ബി. ഗോപാലകൃഷ്ണൻ

ഗുരുവായൂരിലെ എൻഡിഎ സ്ഥാനാർത്ഥി ബി. ഗോപാലകൃഷ്ണന്റെ വിദ്വേഷ പരാമർശത്തിൽ രണ്ട് മാസത്തിനകം ഉചിതമായ നടപടി സ്വീകരിക്കാൻ തെരഞ്ഞെടുപ്പ് കമ്മീഷന് ഹൈക്കോടതി നിർദ്ദേശം നൽകി. മാതൃകാ പെരുമാറ്റച്ചട്ടം നിലനിൽക്കെ ഇത്തരം പരാമർശങ്ങൾ നടത്തുന്നവർക്കെതിരെ എന്ത് നടപടിയാണ് സ്വീകരിക്കുന്നതെന്ന് കോടതി ആരാഞ്ഞു. വിഷയത്തിൽ ഇതിനോടകം തന്നെ നടപടികൾ ആരംഭിച്ചതായും വിവാദ വീഡിയോ സമൂഹമാധ്യമങ്ങളിൽ നിന്ന് നീക്കം ചെയ്തതായും തെരഞ്ഞെടുപ്പ് കമ്മീഷൻ കോടതിയെ അറിയിച്ചു. വോട്ടർമാർക്കിടയിൽ വിദ്വേഷം പടർത്തുന്ന പ്രസംഗങ്ങൾക്കെതിരെ കർശന നിലപാട് വേണമെന്നും കോടതി വ്യക്തമാക്കി.

കോടതി നിർദ്ദേശത്തിന് പിന്നാലെ, “ഗോപാലകൃഷ്ണൻ ഇരുന്ന തട്ട് താണു തന്നെ ഇരിക്കും” എന്ന വാചകത്തോടു കൂടിയ പുതിയ ഫേസ്ബുക്ക് പോസ്റ്റുമായി ബി. ഗോപാലകൃഷ്ണൻ രംഗത്തെത്തി. വിവാദങ്ങൾക്കിടെ അദ്ദേഹം പങ്കുവെച്ച ഈ തെരഞ്ഞെടുപ്പ് പോസ്റ്റർ രാഷ്ട്രീയ കേന്ദ്രങ്ങളിൽ വലിയ ചർച്ചയായിട്ടുണ്ട്. വിദ്വേഷ പരാമർശത്തിന്റെ ഗൗരവം കണക്കിലെടുത്ത് നിയമപരമായ തുടർനടപടികൾ സ്വീകരിക്കുമെന്ന് കമ്മീഷൻ കോടതിയിൽ ഉറപ്പുനൽകിയിട്ടുണ്ട്.

The post ‘തട്ട് താണു തന്നെ ഇരിക്കും’; വിവാദങ്ങൾക്കിടെ പുതിയ പോസ്റ്ററുമായി എൻഡിഎ സ്ഥാനാർത്ഥി ബി. ഗോപാലകൃഷ്ണൻ appeared first on Express Kerala.