ഒമാൻ സന്ദർശനത്തിന്റെ ഭാഗമായി പ്രധാനമന്ത്രി നരേന്ദ്ര മോദിക്ക് രാജ്യത്തെ പരമോന്നത ബഹുമതിയായ ‘ഓർഡർ ഓഫ് ഒമാൻ’ സമ്മാനിച്ചു. മസ്കത്തിലെ അൽ ബറക കൊട്ടാരത്തിൽ വെച്ച് നടന്ന കൂടിക്കാഴ്ചയിൽ ഒമാൻ സുൽത്താൻ ഹൈതം ബിൻ താരിഖാണ് പുരസ്കാരം കൈമാറിയത്. രണ്ട് ദിവസത്തെ ഔദ്യോഗിക സന്ദർശനത്തിനായി ഒമാനിലെത്തിയ മോദിയെ രാജ്യം വലിയ ആഘോഷങ്ങളോടെയാണ് സ്വീകരിച്ചത്.
സാമ്പത്തിക കരാറും വിപണിയിലെ മാറ്റവും
സന്ദർശനത്തിനിടെ ഇരുരാജ്യങ്ങളും തമ്മിൽ നിർണ്ണായകമായ സാമ്പത്തിക സഹകരണ കരാറിൽ (CEPA) ഒപ്പുവെച്ചു. ഇതോടെ ഇന്ത്യയും ഒമാനും തമ്മിലുള്ള വ്യാപാര ഇടപാടുകളിൽ ഉൽപ്പന്നങ്ങളുടെ ഇറക്കുമതി തീരുവ ഗണ്യമായി കുറയുകയോ പൂർണ്ണമായും ഇല്ലാതാവുകയോ ചെയ്യും. ഇത് ഇരുരാജ്യങ്ങളിലെയും വിപണികളിൽ വലിയ ഉണർവ് നൽകുമെന്നാണ് പ്രതീക്ഷിക്കുന്നത്.
Also Read: ബാങ്കുകളിൽ നിന്നും ഇൻഷുറൻസ് കമ്പനികളിൽ നിന്നുമുള്ള വിളികൾ ഇനി ‘1600’ സീരീസിൽ
മലയാളികളെ ഞെട്ടിച്ച് മോദി
ഒമാനിലെ പ്രവാസി സമൂഹത്തെ അഭിസംബോധന ചെയ്യവേ മലയാളികളെ കൈയ്യിലെടുക്കാൻ പ്രധാനമന്ത്രി മറന്നില്ല. വേദിയിൽ നിന്ന് മലയാളത്തിൽ “സുഖമാണോ?” എന്ന് കുശലം ചോദിച്ച മോദിയെ വലിയ ഹർഷാരവത്തോടെയാണ് മലയാളികൾ വരവേറ്റത്. ഒമാനിൽ താൻ കാണുന്നത് ഒരു ‘മിനി ഇന്ത്യ’യെ ആണെന്നും ഇവിടുത്തെ വളർച്ചയിൽ ഇന്ത്യക്കാരുടെ പങ്കാളിത്തം അഭിമാനകരമാണെന്നും അദ്ദേഹം പറഞ്ഞു. പ്രവാസികൾക്ക് എല്ലാവിധ പിന്തുണയും അദ്ദേഹം വാഗ്ദാനം ചെയ്തു.
The post ഒമാന്റെ ആദരം ഏറ്റുവാങ്ങി മോദി; മലയാളികൾക്ക് സർപ്രൈസായി ‘സുഖമാണോ’ എന്ന ചോദ്യം appeared first on Express Kerala.