പീറ്റ് ഹെഗ്‌സെത്തിനെതിരെ ഗുരുതര ആരോപണം; ഇറാൻ യുദ്ധത്തിന് മുൻപ് പ്രതിരോധ കമ്പനികളിൽ നിക്ഷേപത്തിന് ശ്രമിച്ചെന്ന് റിപ്പോർട്ട്

അമേരിക്കൻ പ്രതിരോധ സെക്രട്ടറി പീറ്റ് ഹെഗ്‌സെത്തിനെതിരെ ഗുരുതരമായ സാമ്പത്തിക ക്രമക്കേട് ആരോപണവുമായി ഫിനാൻഷ്യൽ ടൈംസ് രംഗത്തെത്തി. ഇറാനുമായുള്ള യുദ്ധം ആരംഭിക്കുന്നതിന് തൊട്ടുമുമ്പ്, ഹെഗ്‌സെത്തിന്റെ ഇടനിലക്കാരൻ പ്രമുഖ പ്രതിരോധ കമ്പനികളിൽ വൻതോതിൽ നിക്ഷേപം നടത്താൻ ശ്രമിച്ചതായാണ് റിപ്പോർട്ട് സൂചിപ്പിക്കുന്നത്.

ഫിനാൻഷ്യൽ ടൈംസിന്റെ റിപ്പോർട്ട് പ്രകാരം, ‘ഐഷെയേഴ്‌സ് ഡിഫൻസ് ഇൻഡസ്ട്രിയൽസ് ആക്റ്റീവ് ഇടിഎഫ്’ എന്ന ഫണ്ടിൽ കോടിക്കണക്കിന് ഡോളർ നിക്ഷേപിക്കുന്നതിനായി ഹെഗ്‌സെത്തിന്റെ ബ്രോക്കർ ബാങ്കിങ് ഭീമനായ മോർഗൻ സ്റ്റാൻലി വഴി ബ്ലാക്ക്റോക്കിനെ സമീപിച്ചിരുന്നു. എന്നാൽ, മോർഗൻ സ്റ്റാൻലി ഉപഭോക്താക്കൾക്ക് ഈ ഫണ്ട് ലഭ്യമാകാതിരുന്നതിനാൽ ഈ നിക്ഷേപം നടന്നില്ലെന്നാണ് വിവരം.

Also Read:യുദ്ധം നിർത്തിയാൽ മാത്രം ചർച്ചയെന്ന് ഇറാൻ; ഹോർമുസ് കടലിടുക്കിൽ പുതിയ സുരക്ഷാ നിയന്ത്രണങ്ങൾ

അതേസമയം, ഈ ആരോപണങ്ങളെ പൂർണ്ണമായും തള്ളിക്കളഞ്ഞ് പെന്റഗൺ രംഗത്തെത്തി. റിപ്പോർട്ട് തികച്ചും തെറ്റാണെന്നും കെട്ടിച്ചമച്ചതാണെന്നും പെന്റഗൺ വക്താവ് സീൻ പാർണൽ പ്രതികരിച്ചു. ഹെഗ്‌സെത്തോ അദ്ദേഹത്തിന്റെ പ്രതിനിധികളോ ഇത്തരമൊരു നിക്ഷേപത്തിനായി ആരെയും സമീപിച്ചിട്ടില്ലെന്ന് വ്യക്തമാക്കിയ അദ്ദേഹം, പൊതുജനങ്ങളെ തെറ്റിദ്ധരിപ്പിക്കാൻ ലക്ഷ്യമിട്ടുള്ള അപവാദ പ്രചാരണമാണിതെന്നും കുറ്റപ്പെടുത്തി. ഈ ലേഖനം പിൻവലിക്കണമെന്നും പെന്റഗൺ ആവശ്യപ്പെട്ടിട്ടുണ്ട്.

The post പീറ്റ് ഹെഗ്‌സെത്തിനെതിരെ ഗുരുതര ആരോപണം; ഇറാൻ യുദ്ധത്തിന് മുൻപ് പ്രതിരോധ കമ്പനികളിൽ നിക്ഷേപത്തിന് ശ്രമിച്ചെന്ന് റിപ്പോർട്ട് appeared first on Express Kerala.