മുരിയാട് പഞ്ചായത്തിൽ വാർഡ്തല മഴക്കാല ശുചീകരണ പ്രവർത്തനങ്ങൾ നടത്തി

ഇരിങ്ങാലക്കുട : മുരിയാട് പഞ്ചായത്തിലെ മഴക്കാല ശുചീകരണ പ്രവർത്തനങ്ങളുടെ ഭാഗമായി വാർഡ്‌തല ശുചീകരണ പ്രവർത്തങ്ങൾ നടത്തി.

പാറേക്കാട്ടുകരയിൽ നടന്ന ശുചീകരണ പ്രവർത്തനങ്ങൾ പഞ്ചായത്ത് പ്രസിഡന്റ് സരള വിക്രമൻ ഉദ്ഘാടനം ചെയ്തു.

എഡിഎസ് പ്രസിഡന്റ് ലത രവീന്ദ്രൻ അധ്യക്ഷത വഹിച്ചു.

മുരിയാട് സഹകരണ സംഘം പ്രസിഡന്റ് അഡ്വ. മനോഹരൻ സ്വാഗതം പറഞ്ഞു.

പള്ളി വികാരി ഫാ. ജോർജി, ആശാവർക്കർ റെജി, അങ്കണവാടി ടീച്ചർ അജിത, ഷിജി, സി.ഡി.എസ്. മെമ്പർ ശ്രുതി എന്നിവർ ആശംസകൾ നേർന്നു.

തൊഴിലുറപ്പ് തൊഴിലാളികൾ, സന്നദ്ധ സംഘടനകൾ, വിവിധ രാഷ്ട്രീയ കക്ഷികൾ, കുടുംബശ്രീ അംഗങ്ങൾ, ഹരിതകർമ്മ സേനാംഗങ്ങൾ, അങ്കണവാടി അധ്യാപകർ, ശ്രീകൃഷ്ണ ഹൈസ്കൂളിലെ എൻ.എസ്.എസ്. വൊളൻ്റിയർമാരായ കുട്ടികൾ എന്നിവർ പ്രവർത്തനങ്ങളിൽ സജീവ പങ്കാളികളായി.

മുരിയാട് പഞ്ചായത്ത് തലത്തിലെ മഴക്കാല ശുചീകരണ പ്രവത്തനങ്ങളുടെ സന്ദേശറാലി തിങ്കളാഴ്ച രാവിലെ 10.30ന് പഞ്ചായത്ത് ഓഫീസ് പരിസരത്ത്‌ നിന്ന് ആരംഭിക്കും.