തിയേറ്ററുകളിൽ നിരൂപക പ്രശംസ പിടിച്ചുപറ്റിയ പ്രശാന്ത് വിജയ് ചിത്രം ‘ഇത്തിരി നേരം’ നാളെ മുതൽ ഒടിടിലേക്ക് എത്തുന്നു. റോഷൻ മാത്യുവും സെറിൻ ഷിഹാബും പ്രധാന വേഷങ്ങളിലെത്തിയ ഈ പ്രണയചിത്രം സൺ നെക്സ്റ്റിലൂടെയാണ് സ്ട്രീമിങ് ആരംഭിക്കുന്നത്. തിയേറ്ററുകളിൽ വലിയ വാണിജ്യ വിജയം നേടിയില്ലെങ്കിലും താരങ്ങളുടെ ഗംഭീര പ്രകടനവും കഥാപരിസരവും ഏറെ ചർച്ച ചെയ്യപ്പെട്ടിരുന്നു. പ്രണയത്തിന് ഏറെ പ്രാധാന്യം നൽകുന്ന ചിത്രം പ്രശസ്ത സംവിധായകൻ ജിയോ ബേബിയാണ് അവതരിപ്പിക്കുന്നത്.
Also Read: സംഗീത പ്രതാപ്–ഷറഫുദ്ദീൻ കൂട്ടുകെട്ടിൽ ‘ഇറ്റ്സ് എ മെഡിക്കൽ മിറക്കിൾ’; ഷൂട്ടിംഗ് സമാപിച്ചു
മാൻകൈൻഡ് സിനിമാസ്, ഐൻസ്റ്റീൻ മീഡിയ, സിമ്മെട്രി സിനിമാസ് എന്നീ ബാനറുകളിൽ ജോമോൻ ജേക്കബ്, ഡിജോ അഗസ്റ്റിൻ, ഐൻസ്റ്റീൻ സാക്ക് പോൾ, സജിൻ എസ്. രാജ്, വിഷ്ണു രാജൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. നന്ദു, ആനന്ദ് മന്മഥൻ, ജിയോ ബേബി, കണ്ണൻ നായർ, കൃഷ്ണൻ ബാലകൃഷ്ണൻ, അതുല്യ ശ്രീനി, സരിത നായർ തുടങ്ങിയ വൻ താരനിര തന്നെ ചിത്രത്തിൽ അണിനിരക്കുന്നുണ്ട്. മികച്ച സാങ്കേതിക നിലവാരം പുലർത്തുന്ന ചിത്രത്തിന്റെ ട്രെയിലർ ഒരുക്കിയിരിക്കുന്നത് അപ്പു എൻ ഭട്ടതിരിയാണ്.
സാങ്കേതിക മികവിലും ചിത്രം ഏറെ മുന്നിലാണ്. രാകേഷ് ധരൻ ക്യാമറയും ഫ്രാൻസിസ് ലൂയിസ് എഡിറ്റിംഗും നിർവ്വഹിച്ചിരിക്കുന്നു. ബേസിൽ സിജെയാണ് മ്യൂസിക്കും ലിറിക്സും കൈകാര്യം ചെയ്തിരിക്കുന്നത്. സന്ദീപ് കുറിശ്ശേരി (സൗണ്ട് ഡിസൈൻ), സന്ദീപ് ശ്രീധരൻ (സൗണ്ട് മിക്സിംഗ്), മഹേഷ് ശ്രീധർ (പ്രൊഡക്ഷൻ ഡിസൈൻ) എന്നിവരും അണിയറയിൽ പ്രവർത്തിച്ചിരിക്കുന്നു. ഫെമിന ജബ്ബാർ (കോസ്റ്റ്യൂംസ്), രതീഷ് പുൽപ്പള്ളി (മേക്കപ്പ്), ആന്റണി സ്റ്റീഫൻ (പബ്ലിസിറ്റി ഡിസൈൻ) എന്നിങ്ങനെ വലിയൊരു സംഘത്തിന്റെ കൂട്ടായ പരിശ്രമമാണ് ഈ ചിത്രം. ഐസ്കേറ്റിംഗ് ഇൻ ടോപിക്സ് ത്രൂ ശ്രീ പ്രിയ കമ്പൈൻസ് ആണ് വിതരണം ഏറ്റെടുത്തിരുന്നത്.
The post റോഷൻ മാത്യുവും സെറിൻ ഷിഹാബും ഒന്നിച്ച പ്രണയകാവ്യം; ‘ഇത്തിരി നേരം’ നാളെ മുതൽ ഒടിടിയിൽ appeared first on Express Kerala.