കാറളം പഞ്ചായത്ത് കൃഷിഭവനിൽ ഞാറ്റുവേല ചന്ത ആരംഭിച്ചു

ഇരിങ്ങാലക്കുട : കാറളം പഞ്ചായത്ത് കൃഷിഭവനിൽ ആരംഭിച്ച ഞാറ്റുവേല ചന്ത ജില്ലാ പഞ്ചായത്ത് വൈസ് പ്രസിഡന്റ് ടി.കെ. സുധീഷ് ഉദ്ഘാടനം ചെയ്തു.

പഞ്ചായത്ത് പ്രസിഡന്റ് കെ.കെ. ശിവൻകുട്ടി അധ്യക്ഷത വഹിച്ചു.

വൈസ് പ്രസിഡന്റ് പ്രിയ സുനിൽ, ബ്ലോക്ക്‌ പഞ്ചായത്ത് മെമ്പർ അജയൻ തറയിൽ എന്നിവർ ആശംസകൾ അർപ്പിച്ചു.

ഇരിങ്ങാലക്കുട കൃഷി അസിസ്റ്റന്റ് ഡയറക്ടർ ഫാജിത റഹ്‌മാൻ പദ്ധതി വിശദീകരണം നടത്തി.

ബ്ലോക്ക്‌ പഞ്ചായത്ത് മെമ്പർമാരായ വൃന്ദ, പ്രസീന, വാർഡ് മെമ്പർമാരായ ഷമീർ, സരിത, നീതു, അഞ്ജു, പ്രിയ അനിൽ, വിജിൽ, പ്രദീപ്‌, രാജൻ, പ്രീത, കാർഷിക വികസന സമിതി അംഗങ്ങൾ എന്നിവർ പങ്കെടുത്തു.

കൃഷി ഓഫീസർ അനഘ വി. ഗോപാൽ സ്വാഗതവും കൃഷി അസിസ്റ്റന്റ് അക്ഷയ്കുമാർ നന്ദിയും പറഞ്ഞു.

കൃഷിഭവനിൽ ജൂലൈ 3, 4 തിയ്യതികളിലായി രാവിലെ 10 മണി മുതൽ വൈകീട്ട് 5 മണി വരെ ചന്ത ഉണ്ടായിരിക്കുന്നതാണ്.