ബോധവൽക്കരണ ക്ലാസിനിടെ കള്ളനെ പൂട്ടി റെയിൽവേ പോലീസ്; രണ്ട് മൊബൈൽ ഫോണുകൾ പിടിച്ചെടുത്തു | Thrissur Railway Station theft awareness class thief caught

തൃശൂർ: തൃശൂർ റെയിൽവേ സ്റ്റേഷനിൽ റെയിൽവേ പോലീസും ആർ.പി.എഫും (Thrissur Railway Station theft awareness class thief caught) സംയുക്തമായി സംഘടിപ്പിച്ച മോഷണവിരുദ്ധ ബോധവൽക്കരണ ക്ലാസിനിടെ മോഷ്ടാവ് പിടിയിലായി. മലപ്പുറം തിരൂർ സ്വദേശി സൂഫിയാനാണ് പോലീസ് പിടിയിലായത്.

ട്രെയിൻ യാത്രക്കാർക്കും പൊതുജനങ്ങൾക്കുമായി ബോധവൽക്കരണ ക്ലാസ് നടക്കുന്നതിനിടെ സംശയാസ്പദമായ രീതിയിൽ മാറിനിന്ന ഇയാളെ ശ്രദ്ധയിൽപ്പെട്ട പോലീസ് ഉദ്യോഗസ്ഥർ ചോദ്യം ചെയ്യുകയായിരുന്നു. തുടർന്ന് നടത്തിയ പ്രാഥമിക പരിശോധനയിൽ ഇയാളുടെ പക്കൽ യാത്രാരേഖകളൊന്നും ഉണ്ടായിരുന്നില്ലെന്ന് കണ്ടെത്തി. വിശദമായ പരിശോധനയിൽ ഇയാളുടെ കൈവശം സൂക്ഷിച്ചിരുന്ന രണ്ട് വിലകൂടിയ മൊബൈൽ ഫോണുകൾ പോലീസ് പിടിച്ചെടുത്തു.

ഇതിൽ ഒരു ഫോൺ അതെ ട്രെയിനിൽ തൃശൂർ സ്റ്റേഷനിൽ ഇറങ്ങിയ പാലക്കാട് സ്വദേശിയായ യാത്രക്കാരന്റേതാണെന്ന് പോലീസ് സ്ഥിരീകരിച്ചു. പിടിയിലായ സൂഫിയാൻ വധശ്രമം ഉൾപ്പെടെ പത്തോളം വിവിധ ക്രിമിനൽ കേസുകളിൽ പ്രതിയാണെന്ന് പോലീസ് അറിയിച്ചു. ഇയാളെ കൂടുതൽ ചോദ്യം ചെയ്ത ശേഷം കോടതിയിൽ ഹാജരാക്കും.

Story Summary:
In an ironic event at Thrissur Railway Station, a thief was caught by Railway Police and RPF during an anti-theft awareness class, with two stolen mobile phones recovered from him.