പ്രതിഷേധിച്ചത് ഷബാന ആസ്മിയുടെ പ്രായക്കാർ..! ഇത് എങ്ങനെയൊരു ‘ജെൻ സി’ സമരമാകും എന്ന് കങ്കണ റണൗട്ട്

ഡൽഹി ജന്തർ മന്തറിൽ നടന്ന പ്രതിഷേധത്തെക്കുറിച്ചുള്ള പരാമർശങ്ങളിൽ വീണ്ടും കൗതുകമുണർത്തുന്ന വിവാദവുമായി നടിയും ബി.ജെ.പി എം.പിയുമായ കങ്കണ റണൗട്ട് രംഗത്തെത്തിയിരിക്കുന്നു. പ്രതിഷേധത്തിൽ പങ്കെടുത്തവരിൽ പകുതിയിലധികവും മുതിർന്ന നടിയായ ഷബാന ആസ്മിയുടെ പ്രായമുള്ളവരാണെന്നും, അതിനാൽ ഈ വിദ്യാർഥി സമരത്തെ ‘ജെൻ സി’ (Gen Z) പ്രതിഷേധമെന്ന് വിളിക്കാനാകില്ലെന്നുമാണ് കങ്കണ പുതിയ ഇൻസ്റ്റഗ്രാം സ്റ്റോറിയിലൂടെ വ്യക്തമാക്കിയിരിക്കുന്നത്.

രാജ്യത്ത് 30 മുതൽ 35 കോടിയോളം ജെൻ സി വിഭാഗക്കാരുണ്ടെന്ന് ചൂണ്ടിക്കാണിച്ച കങ്കണ, ജന്തർ മന്തറിൽ തടിച്ചുകൂടിയ പതിനായിരത്തോളം പേരിൽ രണ്ടായിരത്തോളം പേർ മാത്രമാണ് യഥാർത്ഥത്തിൽ ജെൻ സി വിഭാഗത്തിൽപ്പെട്ട യുവാക്കളായി ഉണ്ടായിരുന്നത് എന്ന് അവകാശപ്പെടുന്നു. ബാക്കിയുള്ളവരിൽ പകുതിയിലധികവും ഷബാന ആസ്മിയുടെ പ്രായത്തിലുള്ള മുതിർന്നവരായിരുന്നുവെന്നും, പിന്നെ എങ്ങനെയാണ് ഇത് രാജ്യത്തെ മുഴുവൻ ജെൻ സി വിഭാഗക്കാരുടെയും പ്രതിഷേധമാകുക എന്നും അവർ ചോദിക്കുന്നു. താൻ യുവാക്കൾക്ക് എതിരല്ലെന്നും, താനും ആ തലമുറയിൽപ്പെട്ട ഒരാളാണെന്നും വ്യക്തമാക്കിയ കങ്കണ, താൻ ഒരു തലമുറയെ മുഴുവൻ അധിക്ഷേപിച്ചിട്ടില്ലെന്നും അവിടെ ഒത്തുകൂടിയ ഒരു പ്രത്യേക വിഭാഗത്തിനെതിരെ മാത്രമാണ് സംസാരിച്ചതെന്നും തുറന്നടിച്ചു.

ALSO READ; വിവാഹവാഗ്ദാനം നൽകി പീഡിപ്പിച്ച കേസ്..! പ്രതിചേർക്കപ്പെട്ടതിൽ വിശദീകരണവുമായി രാഹുൽ സിപ്ലിഗഞ്ച്

നീറ്റ് ചോദ്യപേപ്പർ ചോർച്ചയുമായി ബന്ധപ്പെട്ട് ജൂലൈ 20-ന് ജന്തർ മന്തറിൽ നടന്ന പാർലമെന്റ് മാർച്ചിൽ 75-കാരിയായ ഷബാന ആസ്മിയും നടൻ പ്രകാശ് രാജും സമരക്കാർക്ക് പിന്തുണയുമായി സജീവമായി പങ്കെടുത്തിരുന്നു. സമരക്കാർക്കൊപ്പം ട്രക്കിൽ സഞ്ചരിക്കുന്നതിന്റെയും ബാരിക്കേഡുകൾ മറികടക്കുന്നതിന്റെയും ദൃശ്യങ്ങൾ വലിയ തോതിൽ പ്രചരിച്ചിരുന്നു. ഇതിന് മുൻപ് പ്രതിഷേധക്കാരെ ‘ജനറേഷൻ ഗട്ടർ’ എന്ന് അധിക്ഷേപിച്ചത് വലിയ വിവാദങ്ങൾക്ക് വഴിവെച്ചിരുന്നുവെങ്കിലും, സ്വയം കീടങ്ങൾ എന്ന് വിശേഷിപ്പിച്ച ചിലരെ മാത്രമാണ് താൻ ഉദ്ദേശിച്ചതെന്ന വിശദീകരണവുമായി കങ്കണ വീണ്ടും രംഗത്തെത്തിയിരിക്കുകയാണ്.

The post പ്രതിഷേധിച്ചത് ഷബാന ആസ്മിയുടെ പ്രായക്കാർ..! ഇത് എങ്ങനെയൊരു ‘ജെൻ സി’ സമരമാകും എന്ന് കങ്കണ റണൗട്ട് appeared first on Express Kerala.