ജെൻസികളുടെ പണച്ചെലവിനെക്കുറിച്ചുള്ള മിഥ്യാധാരണകൾ തകരുന്നു; യാത്രകൾക്കല്ല, ഇവർ മുൻഗണന നൽകുന്നത് എന്തിനാണ്?

കളർഫുൾ ലൈഫ്, പുതിയ അനുഭവങ്ങൾ തേടിയുള്ള യാത്രാപ്രേമം. ജെൻസികളുടെ ജീവിതരീതികളെയും സാമ്പത്തിക ചെലവഴിക്കലുകളെയും കുറിച്ചുള്ള പൊതുസമൂഹത്തിന്റെ ധാരണകൾ ഇങ്ങനെയൊക്കെയാണ്. എന്നാൽ, ഈ സങ്കൽപ്പങ്ങളെയെല്ലാം തിരുത്തിക്കുറിക്കുന്ന വിവരങ്ങളാണ് ഇപ്പോൾ പുറത്തുവരുന്നത്. ലൈഫ്‌സ്റ്റൈൽ പർച്ചേസുകൾക്കും ആഡംബര യാത്രകൾക്കും വലിയ തുക ചെലവഴിക്കുന്ന തലമുറയാണ് ജെൻസികൾ എന്ന വാദം തെറ്റാണെന്ന് തെളിയിക്കുകയാണ് ഫിൻടെക് പ്ലാറ്റ്‌ഫോമായ ‘സാലറിസേ’യുടെ പുതിയ പഠനം.

ഇന്ത്യയിലെ ശമ്പളക്കാരായ അഞ്ച് ലക്ഷത്തിലധികം ജെൻസികളുടെ യുപിഐ ഇടപാടുകൾ വിശകലനം ചെയ്ത് തയ്യാറാക്കിയ റിപ്പോർട്ടിലാണ് അമ്പരപ്പിക്കുന്ന വിവരങ്ങളുള്ളത്. ആഡംബരങ്ങൾക്കല്ല, മറിച്ച് ദൈനംദിന ജീവിതത്തിന്റെ അടിസ്ഥാന ആവശ്യങ്ങൾക്കാണ് ഈ തലമുറ തങ്ങളുടെ കഷ്ടപ്പെട്ട് സമ്പാദിച്ച പണത്തിന്റെ സിംഹഭാഗവും മാറ്റിവെക്കുന്നത്. പ്രതിമാസ ചെലവിന്റെ വെറും അഞ്ച് ശതമാനം മാത്രമാണ് ഇവർ യാത്രകൾക്കായി ഉപയോഗിക്കുന്നത് എന്നതാണ് ഏറ്റവും കൗതുകകരമായ വസ്തുത.

Also Read: ആരാണ് യഥാർത്ഥത്തിൽ ‘നാർസിസിസ്റ്റ്’? സോഷ്യൽ മീഡിയയിൽ പുകയുന്ന ആ വാക്കിലെ വില്ലൻ സ്വഭാവം!

റിപ്പോർട്ട് പ്രകാരം, ജെൻസികളുടെ പ്രതിമാസച്ചെലവിൽ 20.1 ശതമാനവും പോകുന്നത് വിവിധ ബില്ലുകളും സബ്‌സ്‌ക്രിപ്ഷനുകളും അടയ്ക്കാനാണ്. പലചരക്കുസാധനങ്ങൾ വാങ്ങുന്നതിനായി 15.7 ശതമാനവും സാമ്പത്തിക സേവനങ്ങൾക്കായി 12.2 ശതമാനവും ഇവർ ചെലവഴിക്കുന്നു. കൂടാതെ ഷോപ്പിങ്ങിനായി 11.9 ശതമാനവും ഭക്ഷണത്തിനായി 11.5 ശതമാനവും വരുന്നുണ്ട്. മുൻകാലങ്ങളിൽ ജെൻസികളുടെ പ്രധാന വിനോദമായി കണക്കാക്കപ്പെട്ടിരുന്ന യാത്രകൾക്കാകട്ടെ വെറും അഞ്ച് ശതമാനം മാത്രമാണ് മാറ്റിവെക്കപ്പെടുന്നത്. പുറത്തുനിന്നുള്ള കാഴ്ചകളേക്കാൾ പ്രായോഗിക ജീവിതത്തിലെ സുരക്ഷിതത്വത്തിനാണ് ഇന്നത്തെ യുവനിര മുൻഗണന നൽകുന്നത് എന്ന് വ്യക്തമാക്കുന്നതാണ് ഈ കണക്കുകൾ.

The post ജെൻസികളുടെ പണച്ചെലവിനെക്കുറിച്ചുള്ള മിഥ്യാധാരണകൾ തകരുന്നു; യാത്രകൾക്കല്ല, ഇവർ മുൻഗണന നൽകുന്നത് എന്തിനാണ്? appeared first on Express Kerala.