ടൊവിനോ തോമസ് ചിത്രം ‘മുൻപേ’ ഊട്ടിയിൽ പൂജയോടെ ആരംഭിച്ചു; സംവിധാനം സൈജു ശ്രീധരൻ | Tovino Thomas new movie Munpe

ഊട്ടി: ടൊവിനോ തോമസിനെ നായകനാക്കി സൈജു ശ്രീധരൻ സംവിധാനം ചെയ്യുന്ന ഏറ്റവും പുതിയ ചിത്രം ‘മുൻപേ’യുടെ (Tovino Thomas new movie Munpe) പൂജാ ചടങ്ങുകൾ ഊട്ടിയിൽ നടന്നു. സംവിധായകൻ സൈജു ശ്രീധരൻ തന്നെയാണ് ചിത്രത്തിന്റെ എഡിറ്റിംഗും നിർവ്വഹിക്കുന്നത്. ‘ഫൂട്ടേജ്’ എന്ന ചിത്രത്തിന് ശേഷം സൈജു ശ്രീധരൻ സംവിധാനം ചെയ്യുന്ന രണ്ടാമത്തെ ചിത്രമാണിത്.

കുമാർ മംഗത് പാഥക്, അഭിഷേക് പാഥക്, ടൊവിനോ തോമസ്, ഡോൾവിൻ കുര്യാക്കോസ്, ടിംഗ്സ്റ്റൺ തോമസ് എന്നിവർ ചേർന്നാണ് ചിത്രം നിർമ്മിക്കുന്നത്. പനോരമ സ്റ്റുഡിയോസ് അവതരിപ്പിക്കുന്ന ചിത്രം തിയേറ്റർ ഓഫ് ഡ്രീംസ്, ടൊവിനോ തോമസ് പ്രൊഡക്ഷൻസ് എന്നിവയുടെ ബാനറിലാണ് ഒരുങ്ങുന്നത്. ടീന തോമസാണ് ചിത്രത്തിന് തിരക്കഥയൊരുക്കുന്നത്. രാജേഷ് മേനോൻ, ഗോകുൽനാഥ് ജി എന്നിവരാണ് കോ-പ്രൊഡ്യൂസർമാർ.

ഷിനോസ് ഛായാഗ്രഹണം നിർവ്വഹിക്കുന്ന ചിത്രത്തിന് റെക്സ് വിജയനും ഗിച്ചു ജോയും ചേർന്നാണ് സംഗീതമൊരുക്കുന്നത്. ദിലീപ് നാഥ് (പ്രൊഡക്ഷൻ ഡിസൈൻ), നിക്സൺ ജോർജ് (സൗണ്ട് ഡിസൈൻ), ധന്യ ബാലകൃഷ്ണൻ (കോസ്റ്റ്യൂം), റോണെക്സ് സേവ്യർ (മേക്കപ്പ്) എന്നിവരാണ് മറ്റ് പ്രധാന അണിയറ പ്രവർത്തകർ. ചിത്രത്തിലെ മറ്റ് അഭിനേതാക്കളെക്കുറിച്ചുള്ള കൂടുതൽ വിവരങ്ങൾ ഉടൻ പുറത്തുവിടുമെന്ന് അണിയറപ്രവർത്തകർ അറിയിച്ചു.

Story Summary:
Tovino Thomas starrer ‘Munpe’, directed and edited by Saiju Sreedharan, officially went on floors with a pooja ceremony in Ooty.