മഴക്കാലത്ത് കൊതുകുജന്യ രോഗങ്ങൾക്കെതിരെ ജാഗ്രത വേണം; മുന്നറിയിപ്പുമായി കെയർ ഹെൽത്ത് ഇൻഷുറൻസ് | Care Health Insurance advisory dengue malaria

കൊച്ചി: മഴക്കാലം ശക്തമായതോടെ ഡെങ്കിപ്പനി, മലേറിയ, ചിക്കുൻഗുനിയ തുടങ്ങിയ കൊതുകുജന്യ രോഗങ്ങൾ പടരാനുള്ള സാധ്യത കണക്കിലെടുത്ത് പൊതുജനാരോഗ്യ ജാഗ്രതാ നിർദ്ദേശവുമായി കെയർ ഹെൽത്ത് ഇൻഷുറൻസ് (Care Health Insurance advisory dengue malaria). രോഗപ്രതിരോധ മാർഗ്ഗങ്ങൾ കൃത്യമായി സ്വീകരിക്കാനും ലക്ഷണങ്ങൾ കണ്ടാൽ യഥാസമയം വൈദ്യസഹായം തേടാനും കമ്പനി അഭ്യർത്ഥിച്ചു.

കൊതുക് പെരുകുന്നത് തടയാൻ വീടും പരിസരവും ശുചിയായി സൂക്ഷിക്കുക, പാത്രങ്ങളിലും ടയറുകളിലും വെള്ളം കെട്ടിക്കിടക്കാൻ അനുവദിക്കരുത് എന്നിവയാണ് പ്രധാനം. ശരീരം മുഴുവൻ മറയ്ക്കുന്ന വസ്ത്രങ്ങൾ ധരിക്കുക, കൊതുകുവലകളും പ്രതിരോധ മരുന്നുകളും ഉപയോഗിക്കുക എന്നിവയും നിർദ്ദേശിക്കുന്നുണ്ട്. പനി, കഠിനമായ തലവേദന, ശരീരവേദന തുടങ്ങിയ ലക്ഷണങ്ങൾ കണ്ടാൽ സ്വയം ചികിത്സ ഒഴിവാക്കി ഉടൻ തന്നെ ഡോക്ടറെ കാണണം.

അപ്രതീക്ഷിതമായി എത്തുന്ന രോഗങ്ങൾ മൂലം കുടുംബങ്ങളിലുണ്ടാകുന്ന സാമ്പത്തിക സമ്മർദ്ദം ഒഴിവാക്കാൻ ഹെൽത്ത് ഇൻഷുറൻസ് പരിരക്ഷ ഉറപ്പാക്കണമെന്നും ഇൻഷുറൻസ് കമ്പനി വ്യക്തമാക്കുന്നു. ഇതിനോടകം രോഗനിരീക്ഷണം, കൊതുക് നിയന്ത്രണം, ആശുപത്രി സൗകര്യങ്ങൾ എന്നിവ ഊർജ്ജിതമാക്കാൻ കേന്ദ്ര ആരോഗ്യ മന്ത്രാലയം സംസ്ഥാനങ്ങൾക്ക് നിർദ്ദേശം നൽകിയിട്ടുണ്ട്.

Story Summary:
Care Health Insurance issued a public health advisory warning against monsoon-related mosquito-borne diseases like dengue and malaria, urging preventive actions and proper insurance coverage.