ഭാര്യയെ വെട്ടിക്കൊന്ന് മക്കളെ തടാകത്തിലെറിഞ്ഞു; മരിച്ചതായി അഭിനയിച്ച് എട്ടു വയസ്സുകാരൻ രക്ഷപ്പെട്ടു; പ്രതി കസ്റ്റഡിയിൽ | Indore horror family murder

ഇൻഡോർ: മധ്യപ്രദേശിലെ ഇൻഡോറിൽ കുടുംബ വഴക്കിനെ തുടർന്ന് ഭാര്യയെ ക്രൂരമായി കൊലപ്പെടുത്തിയ ശേഷം മക്കളെ തടാകത്തിലെറിഞ്ഞ് കൊല്ലാൻ ശ്രമിച്ച കേസിൽ യുവാവ് പിടിയിൽ (Indore horror family murder). ഇൻഡോറിലെ ഝലാരിയ നിവാസിയായ സുനിൽ ചൗഹാൻ (37) ആണ് ക്രൂരകൃത്യം ചെയ്തത്. എട്ടു വയസ്സുകാരനായ മകൻ വെള്ളത്തിൽ മുങ്ങിമരിച്ചതായി അഭിനയിച്ച് രക്ഷപ്പെട്ട് പോലീസിനെ വിവരമറിയിച്ചതോടെയാണ് ഞെട്ടിക്കുന്ന സംഭവം പുറത്തറിയുന്നത്.

കുടുംബ വഴക്കിനെ തുടർന്ന് ഭാര്യ അനിതയെ (32) സാരി ഉപയോഗിച്ച് ശ്വാസം മുട്ടിക്കുകയും കത്തികൊണ്ട് കുത്തിക്കൊലപ്പെടുത്തുകയുമായിരുന്നു. തുടർന്ന് 11 വയസ്സുള്ള മകൾ മഹിയെയും എട്ടുവയസ്സുള്ള മകനെയും ഹിംഗോണിയ തടാകത്തിലേക്ക് എറിയുകയായിരുന്നു. മകൻ ബുദ്ധിപൂർവ്വം വെള്ളത്തിൽ വീണയുടൻ അനക്കമില്ലാതെ മുങ്ങിമരിച്ചതായി അഭിനയിച്ച് നിൽക്കുകയും, അച്ഛൻ സ്ഥലം വിട്ടതിന് പിന്നാലെ കരയിലേക്ക് നീന്തിക്കയറി പോലീസിന്റെ പട്രോളിംഗ് സംഘത്തെ വിവരമറിയിക്കുകയുമായിരുന്നു.

കുട്ടി നൽകിയ വിവരത്തിന്റെ അടിസ്ഥാനത്തിൽ പോലീസും ദുരന്തനിവാരണ സേനയും (SDERF) നടത്തിയ തിരച്ചിലിനൊടുവിൽ മകളുടെ മൃതദേഹം തടാകത്തിൽ നിന്ന് കണ്ടെത്തി. ഭാര്യയെ കൊലപ്പെടുത്തിയ ശേഷം മക്കളെ തടാകത്തിൽ തള്ളിവിട്ട് ആത്മഹത്യ ചെയ്യാൻ ശ്രമിച്ച പ്രതിയെ പോലീസ് കസ്റ്റഡിയിലെടുത്തു. പ്രതിക്കെതിരെ കൊലപാതകം ഉൾപ്പെടെയുള്ള വകുപ്പുകൾ പ്രകാരം കേസെടുത്ത് അന്വേഷണം ആരംഭിച്ചു.

Story Summary: In a horrific incident in Madhya Pradesh’s Indore, a 37-year-old man named Sunil Chauhan killed his 32-year-old wife Anita following a domestic dispute and threw his two minor children into a pond in Hingonia. The couple’s eight-year-old son survived the drowning attempt by cleverly pretending to be dead, after which he swam ashore and alerted a patrolling police team. While search operations recovered the body of the 11-year-old daughter, police took the accused into custody as further investigation remains underway.