മോഹൻലാലിന്റെ അതിഥി വേഷവും ആക്ഷൻ പൂരവും; തിയറ്ററുകൾ കീഴടക്കി പൃഥ്വിരാജിന്റെ ‘ഖലീഫ’!

പൃഥ്വിരാജ് സുകുമാരൻ നായകനായി എത്തുന്ന ഏറ്റവും പുതിയ ചിത്രം ‘ഖലീഫ’ തിയറ്ററുകളിൽ വിജയകരമായി പ്രദർശനം തുടരുന്നു. ചിത്രത്തിന് സെൻസർ ബോർഡിന്റെ U/A 16+ സർട്ടിഫിക്കറ്റാണ് ലഭിച്ചിരിക്കുന്നത്. റിലീസ് ദിവസം തന്നെ ആഗോളതലത്തിൽ 5.30 കോടി രൂപ കളക്ഷൻ നേടി ഗംഭീര തുടക്കമാണ് ചിത്രം കുറിച്ചിരിക്കുന്നത്.

വൈശാഖ് സംവിധാനം ചെയ്ത ചിത്രത്തിന്റെ തിരക്കഥയും നിർമ്മാണവും നിർവഹിച്ചിരിക്കുന്നത് ജിനു എബ്രഹാമാണ്. ജിനു ഇന്നോവേഷൻസിന്റെ ബാനറിലാണ് ചിത്രം ഒരുങ്ങിയിരിക്കുന്നത്. തെന്നിന്ത്യൻ താരം മാളവിക ശർമ്മയാണ് ചിത്രത്തിൽ നായികയായെത്തുന്നത്. മാമ്പറയ്ക്കൽ ആമിർ അലി എന്ന കഥാപാത്രമായി പൃഥ്വിരാജ് എത്തുമ്പോൾ, മാമ്പറയ്ക്കൽ അഹമ്മദ് അലിയായി മോഹൻലാൽ അതിഥി വേഷത്തിൽ പ്രത്യക്ഷപ്പെടുന്നുണ്ട് എന്നത് ചിത്രത്തിന്റെ പ്രധാന ആകർഷണമാണ്. രഞ്ജി പണിക്കർ, ശിവജിത്, ഇന്ദ്രൻസ്, ഷമ്മി തിലകൻ തുടങ്ങി വലിയൊരു താരനിരയും ചിത്രത്തിലുണ്ട്. ജേക്സ് ബിജോയ് ഒരുക്കിയ ചിത്രത്തിലെ ഗാനങ്ങൾ ഇതിനോടകം തന്നെ ട്രെൻഡിങ് ആയിക്കഴിഞ്ഞു.

Also Read:ചിരിയുടെ പൂരവുമായി നിവിനും മമിതയും; ‘ബെത്‌ലഹേം കുടുംബ യൂണിറ്റ്’ ഇന്ന് തിയറ്ററുകളിൽ!

ഛായാഗ്രഹണം ജോമോൻ ടി ജോണും എഡിറ്റിംഗ് ചമൻ ചാക്കോയും നിർവഹിച്ചിരിക്കുന്നു. യാനിക്ക് ബെൻ, ഫീനിക്സ് പ്രഭു, ചേതൻ ഡിസൂസ എന്നിവരാണ് ചിത്രത്തിന്റെ ആക്ഷൻ കൊറിയോഗ്രാഫി കൈകാര്യം ചെയ്തിരിക്കുന്നത്. മികച്ച തിയറ്റർ അനുഭവമാണ് ചിത്രം പ്രേക്ഷകർക്ക് സമ്മാനിക്കുന്നത്.

The post മോഹൻലാലിന്റെ അതിഥി വേഷവും ആക്ഷൻ പൂരവും; തിയറ്ററുകൾ കീഴടക്കി പൃഥ്വിരാജിന്റെ ‘ഖലീഫ’! appeared first on Express Kerala.