പുന്നമടയുടെ ഓളപ്പരപ്പിൽ ആവേശം അലതല്ലുന്നു; 72-ാമത് നെഹ്റു ട്രോഫി വള്ളംകളി പോരാട്ടത്തിന് തുടക്കം!

ആലപ്പുഴയുടെ പെരുമ വിളിച്ചോതുന്ന 72-ാമത് നെഹ്റു ട്രോഫി ജലമേള മുഖ്യമന്ത്രി വി ഡി സതീശൻ ഉദ്ഘാടനം ചെയ്തു. ചടങ്ങിൽ കർണാടക മുഖ്യമന്ത്രി ഡി.കെ. ശിവകുമാർ, കേന്ദ്രമന്ത്രി ഗജേന്ദ്ര സിംഗ് ഷെഖാവത്ത് എന്നിവർ മുഖ്യാതിഥികളായി പങ്കെടുത്തു. സാംസ്കാരിക മന്ത്രി പി.സി. വിഷ്ണുനാഥ് പതാക ഉയർത്തിയതോടെ കായലിൽ ആവേശക്കടൽ അലയടിച്ചു. ജലരാജാവിന്റെ കിരീടം ചൂടാൻ 22 ചുണ്ടൻ വള്ളങ്ങൾ ഉൾപ്പെടെ മൊത്തം 71 വള്ളങ്ങളാണ് ഇത്തവണ പുന്നമടയുടെ ഓളപ്പരപ്പിൽ മാറ്റുരയ്ക്കുന്നത്.

വള്ളംകളി കാണാനായി എത്തുന്ന പതിനായിരക്കണക്കിന് കാണികളുടെ യാത്രാസൗകര്യത്തിനായി വിപുലമായ ക്രമീകരണങ്ങളാണ് ഒരുക്കിയിരിക്കുന്നത്. എറണാകുളം, കൊല്ലം ഭാഗങ്ങളിൽ നിന്നും ചങ്ങനാശ്ശേരിയിൽ നിന്നും എത്തുന്ന കെ.എസ്.ആർ.ടി.സി ബസുകൾക്കായി പ്രത്യേക യാത്രാ റൂട്ടുകളും ക്രമീകരിച്ചിട്ടുണ്ട്. കൂടാതെ, കാണികൾക്ക് വാഹനങ്ങൾ പാർക്ക് ചെയ്യുന്നതിനായി റിക്രിയേഷൻ ഗ്രൗണ്ട്, ആലപ്പുഴ ബീച്ച്‌ പോലീസ് എയ്‌ഡ്‌ പോസ്റ്റിന് തെക്കുവശം തുടങ്ങിയ സ്ഥലങ്ങളും സജ്ജമാക്കിയിട്ടുണ്ട്. പരേഡ് ഗ്രൗണ്ടിന് സമീപത്തുനിന്ന് ബോട്ട് ജെട്ടി ഭാഗത്തേക്ക് പ്രത്യേക ഫീഡർ സർവീസുകളും ഏർപ്പെടുത്തിയിട്ടുണ്ട്.

The post പുന്നമടയുടെ ഓളപ്പരപ്പിൽ ആവേശം അലതല്ലുന്നു; 72-ാമത് നെഹ്റു ട്രോഫി വള്ളംകളി പോരാട്ടത്തിന് തുടക്കം! appeared first on Express Kerala.