ജലനിരപ്പ് റെഡ് ലൈനിൽ; മൂഴിയാർ ഡാമിൽ ഏത് നിമിഷവും ഷട്ടറുകൾ തുറന്നേക്കും | Moozhiyar Dam

പത്തനംതിട്ട: മൂഴിയാർ ഡാമിലെ ജലനിരപ്പ് റെഡ് ലൈനിലെത്തി. നിലവിൽ 190 മീറ്ററാണ് ജലനിരപ്പ് (Moozhiyar Dam). ഡാമിന്റെ വൃഷ്ടിപ്രദേശങ്ങളിൽ ശക്തമായ മഴ തുടരുന്നതിനാൽ വലിയ തോതിൽ നീരൊഴുക്ക് ഡാമിലേക്ക് എത്തുന്നുണ്ട്.

ജലനിരപ്പ് 192.63 മീറ്ററിൽ എത്തിയാൽ ഡാം തുറക്കണമെന്നാണ് അധികൃതരുടെ നിർദേശം. മഴയും നീരൊഴുക്കും ശക്തമായി തുടരുകയും സാഹചര്യം അനുകൂലമല്ലാതാകുകയും ചെയ്താൽ ഏത് സമയത്തും ഷട്ടറുകൾ തുറക്കാനുള്ള സാധ്യതയുണ്ട്.

മൂഴിയാർ ഡാമിലെ മൂന്ന് ഷട്ടറുകളും 60 സെന്റിമീറ്റർ വരെ ഉയർത്തി വെള്ളം പുറത്തേക്ക് ഒഴുക്കാനാണ് നിർദേശം. ഡാമിൽനിന്ന് പുറത്തുവിടുന്ന വെള്ളം കക്കാട് നദിയിലേക്കാണ് എത്തുക.

ഡാമിലേക്കുള്ള നീരൊഴുക്കും വൃഷ്ടിപ്രദേശങ്ങളിലെ മഴയുടെ സ്ഥിതിയും അധികൃതർ നിരന്തരം നിരീക്ഷിച്ചുവരികയാണ്. ജലനിരപ്പ് ഉയരുന്ന സാഹചര്യത്തിൽ കക്കാട് നദിയുടെ തീരപ്രദേശങ്ങളിലുള്ളവർ അതീവ ജാഗ്രത പാലിക്കണമെന്ന് അധികൃതർ നിർദേശിച്ചു.

Story Summary:
The water level at Moozhiyar Dam in Pathanamthitta has reached the red line at 190 metres amid heavy rain in the catchment area. Authorities have warned that the shutters may be opened if the level reaches 192.63 metres, urging residents along the Kakad River to remain vigilant.