‘ജാതി സെൻസസ് ചോദ്യാവലി അടിയന്തരമായി പിൻവലിക്കണം’: പ്രധാനമന്ത്രിക്ക് കത്തയച്ച് രാഹുൽ ഗാന്ധിയും മല്ലികാർജ്ജുൻ ഖാർഗെയും | Caste Census 2027 India

ന്യൂഡൽഹി: വരാനിരിക്കുന്ന സെൻസസിൽ ജാതി വിവരങ്ങൾ ശേഖരിക്കുന്നതിൽ ഗുരുതരമായ വീഴ്ചകളുണ്ടെന്ന് ചൂണ്ടിക്കാട്ടി പ്രധാനമന്ത്രി നരേന്ദ്ര മോദിക്ക് സംയുക്ത കത്തയച്ച് കോൺഗ്രസ് അധ്യക്ഷൻ മല്ലികാർജുൻ ഖാർഗെയും പ്രതിപക്ഷ നേതാവ് രാഹുൽ ഗാന്ധിയും. നിലവിലുള്ള സെൻസസ് ചോദ്യാവലി തെറ്റിദ്ധരിപ്പിക്കുന്നതാണെന്നും അത് ഉടൻ പിൻവലിക്കണമെന്നും നേതാക്കൾ ആവശ്യപ്പെട്ടു.(Caste Census 2027 India, Congress Leaders Write To PM Modi Requesting Revision Of Questionnaire)

ജാതി വിവിരങ്ങൾ നൽകാൻ ‘ഓപ്പൺ-എൻഡഡ്’ ചോദ്യരീതി ഉപയോഗിക്കുന്നതിനെ കോൺഗ്രസ് ശക്തമായി എതിർത്തു. ഈ രീതിയിൽ ജനങ്ങൾ പറയുന്ന ജാതിപ്പേരുകൾ അതേപടി രേഖപ്പെടുത്തുമ്പോൾ ഒരേ ജാതി തന്നെ പ്രാദേശിക നാമങ്ങൾ, ഉപജാതികൾ, അക്ഷരത്തെറ്റുകൾ എന്നിവ കാരണം ആയിരക്കണക്കിന് വേറെ പേര് വിഭാഗങ്ങളായി ചിതറിപ്പോകാൻ സാധ്യതയുണ്ട്. ഇത് ലഭിക്കുന്ന വിവരങ്ങളുടെ കൃത്യത ഇല്ലാതാക്കുകയും വിവരശേഖരണം പൂർണ്ണമായും ഉപയോഗശൂന്യമാക്കുകയും ചെയ്യുമെന്ന് അവർ മുന്നറിയിപ്പ് നൽകി.

കൃത്യമായ ജാതി വിവരങ്ങൾ ഇല്ലാതെ സാമൂഹിക നീതിയിലധിഷ്ഠിതമായ പദ്ധതികൾ നടപ്പിലാക്കാൻ സാധിക്കില്ലെന്ന് കത്തിൽ വ്യക്തമാക്കുന്നു. പിന്നാക്ക, അതിപിന്നാക്ക വിഭാഗങ്ങളുടെ യഥാർത്ഥ ജനസംഖ്യയും അവസ്ഥയും മനസ്സിലാക്കാൻ ഇത് തടസ്സമാകും. നിലവിലുള്ള ചോദ്യാവലി റദ്ദാക്കി ബീഹാർ, തെലങ്കാന മാതൃകയിൽ മുൻകൂട്ടി നിശ്ചയിച്ച ജാതി പട്ടിക ഉൾപ്പെടുത്തി രാഷ്ട്രീയ പാർട്ടികളുമായും വിദഗ്ദ്ധരുമായും കൂടിയാലോചിച്ച് പുതിയ ചോദ്യാവലി തയ്യാറാക്കണമെന്ന് വാർത്തയിൽ പറയുന്നു.

Story Summary

Congress leaders Mallikarjun Kharge and Rahul Gandhi wrote a joint letter to Prime Minister Narendra Modi demanding the withdrawal of the current caste census questionnaire. They raised concerns over using open-ended questions for collecting caste data, warning that it could fragment single castes into thousands of categories and render the census inaccurate.