മലയാളികളുടെ പ്രിയനടൻ മധുവിനൊപ്പം ഓണം ആഘോഷിച്ച് മനോജ് കെ ജയനും കുടുംബവും; ‘ഈ വർഷത്തെ ഓണം ധന്യമെന്ന്’ താരം!

മലയാള സിനിമയുടെ പ്രമുഖ നടൻ മധുവിനൊപ്പം കുടുംബസമേതം ഓണം ആഘോഷിച്ച് നടൻ മനോജ് കെ ജയൻ. മധുവിന്റെ വസതിയിൽ നേരിട്ടെത്തിയാണ് മനോജ് കെ ജയനും കുടുംബവും അദ്ദേഹത്തിന് ഓണാശംസകൾ നേർന്നത്. മലയാള സിനിമാ തറവാട്ടിലെ കാരണവരായ മധുവിന് ഓണാശംസകൾ നേർന്ന് അനുഗ്രഹം വാങ്ങാനും, അദ്ദേഹത്തിന് ഒരു ഓണക്കോടി സമ്മാനിക്കാനും സാധിച്ച നിമിഷം തന്റെ ഈ വർഷത്തെ ഓണം ഏറെ സാർത്ഥകമാക്കിയെന്ന് മനോജ് കെ ജയൻ ഫേസ്ബുക്കിൽ കുറിച്ചു.

മധു സാറിന് എല്ലാ ആയുരാരോഗ്യസൗഖ്യങ്ങളും നേരുന്നുവെന്ന് വ്യക്തമാക്കിയ താരം, തന്നെ സ്നേഹിക്കുന്ന എല്ലാ പ്രിയപ്പെട്ടവർക്കും ഹൃദയപൂർവ്വം ഓണാശംസകളും നേർന്നു. ചിത്രീകരണം പൂർത്തിയായ ‘തുടക്കം’ ആണ് മനോജ് കെ ജയന്റേതായി ഒടുവിൽ തിയേറ്ററുകളിലെത്തിയ ചിത്രം. കൂടാതെ ‘ഹലോ ഡിയർ’, ‘അതിമനോഹരം’ തുടങ്ങിയ വരാനിരിക്കുന്ന പുതിയ സിനിമകളുടെ തിരക്കുകളിലാണ് താരം ഇപ്പോൾ ഉള്ളത്.

The post മലയാളികളുടെ പ്രിയനടൻ മധുവിനൊപ്പം ഓണം ആഘോഷിച്ച് മനോജ് കെ ജയനും കുടുംബവും; ‘ഈ വർഷത്തെ ഓണം ധന്യമെന്ന്’ താരം! appeared first on Express Kerala.