ഹൽദ്വാനിയിലെ ‘ശുദ്ധീകരണം’: രാഷ്ട്രപതി ദ്രൗപദി മുർമുവിന് 32 കോൺഗ്രസ് MPമാർ പരാതി നൽകും | Haldwani purification row
ന്യൂഡൽഹി: ഉത്തരാഖണ്ഡിലെ ഹൽദ്വാനിയിൽ കോൺഗ്രസ് അധ്യക്ഷൻ മല്ലികാർജുൻ ഖാർഗെ പങ്കെടുത്ത പൊതുയോഗത്തിന് ശേഷം നടന്ന ‘ശുദ്ധീകരണ യജ്ഞ’ത്തിനെതിരെ രാഷ്ട്രപതി ദ്രൗപദി മുർമുവിനെ കാണാൻ കോൺഗ്രസിന്റെ 32 പട്ടികജാതി (SC), പട്ടികവർഗ്ഗ (ST) എം.പിമാർ തീരുമാനിച്ചു. കോൺഗ്രസ് ആസ്ഥാനമായ ഇന്ദിരാ ഭവനിൽ ചേർന്ന യോഗത്തിലാണ് ഈ വിഷയം രാഷ്ട്രപതിക്ക് മുന്നിലെത്തിക്കാൻ തീരുമാനമായത്.(Haldwani purification row, Mallikarjun Kharge Dalit rally controversy)
പട്ടികജാതി-പട്ടികവർഗ്ഗ വിഭാഗങ്ങളുടെ ആത്മാഭിമാനത്തിന് മേലുള്ള കടുത്ത ആക്രമണവും തൊട്ടുകൂടായ്മ നിർമ്മാർജ്ജനം ഉറപ്പുനൽകുന്ന ഭരണഘടനാ മൂല്യങ്ങളുടെ ലംഘനവുമാണ് ഈ സംഭവമെന്ന് എം.പിമാർ ചൂണ്ടിക്കാട്ടി. ഓഗസ്റ്റ് 8-ന് മല്ലികാർജുൻ ഖാർഗെ പ്രസംഗിച്ച അതേ വേദിയിലാണ് ഓഗസ്റ്റ് 11-ന് ഒരു വിഭാഗം ശുദ്ധീകരണ യജ്ഞം നടത്തിയത്.
രാഷ്ട്രപതിയുടെ അടിയന്തര ഇടപെടലും കർശന നടപടിയും ആവശ്യപ്പെട്ടുകൊണ്ടുള്ള നിവേദനം യോഗത്തിൽ അന്തിമമാക്കി. കൂടാതെ, ദളിത്-ആദിവാസി വിഭാഗങ്ങളുടെ വിഷയങ്ങൾ പാർലമെന്റിലും പുറത്തും ശക്തമായി ഉയർത്തുന്നതിനായി പ്രത്യേകം ‘പാർലമെന്ററി ഫോറം’ രൂപീകരിക്കാനും യോഗം തീരുമാനിച്ചു. കെ. രാജു, രാജേന്ദ്ര പാൽ ഗൗതം എന്നീ നേതാക്കളുടെ സാന്നിധ്യത്തിലാണ് എം.പി മല്ലു രവിയുടെ നേതൃത്വത്തിൽ യോഗം ചേർന്നത്. സംഭവത്തിൽ പങ്കെടുത്തവർക്കെതിരെ പട്ടികജാതി-പട്ടികവർഗ്ഗ അക്രമ നിരോധന നിയമപ്രകാരം എഫ്.ഐ.ആർ രേഖപ്പെടുത്തണമെന്ന് രാഹുൽ ഗാന്ധിയും നേരത്തെ ആവശ്യപ്പെട്ടിരുന്നു.
Story Summary
Thirty-two Congress MPs belonging to the Scheduled Caste and Scheduled Tribe communities have decided to submit a memorandum to President Droupadi Murmu regarding the alleged “purification yajna” conducted at Haldwani, Uttarakhand, following a rally by party chief Mallikarjun Kharge. The MPs condemned the incident as an assault on constitutional dignity and decided to form a parliamentary forum for SC/ST issues.
