സമസ്ത ജനറൽ സെക്രട്ടറിയായി കൊയ്യോട് ഉമർ മുസ്‌ലിയാരെ തിരഞ്ഞെടുത്തു | Koyyod Umar Musliyar
Current: മലയാളം
കോഴിക്കോട്: സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറിയായി കൊയ്യോട് ഉമർ മുസ്‌ലിയാരെ തിരഞ്ഞെടുത്തു. നിലവിലെ കമ്മിറ്റിയിൽ ട്രഷററായി പ്രവർത്തിച്ചുവരികയായിരുന്നു അദ്ദേഹം. മുൻ ജനറൽ സെക്രട്ടറി കെ. ആലിക്കുട്ടി മുസ്‌ലിയാരുടെ നിര്യാണത്തെ തുടർന്നാണ് പുതിയ ജനറൽ സെക്രട്ടറിയെ തിരഞ്ഞെടുത്തത്.(Koyyod Umar Musliyar Elected As Samastha General Secretary)
കോഴിക്കോട് ചേർന്ന സമസ്ത മുശാവറ യോഗത്തിലാണ് ഈ നിർണായക തീരുമാനം. എം.ടി അബ്ദുല്ല മുസ്‌ലിയാരെ സമസ്തയുടെ പുതിയ ട്രഷററായും യോഗം തിരഞ്ഞെടുത്തു. ഇതിനുപുറമെ, സംഘടനയുടെ വൈസ് പ്രസിഡന്റുമാരായി വി. മൂസക്കോയ മുസ്‌ലിയാർ, എ.വി അബ്ദുറഹ്മാൻ മുസ്‌ലിയാർ എന്നിവരെയും സെക്രട്ടറിയായി പനങ്കാങ്ങര ഹൈദർ ഫൈസിയെയും ചുമതലപ്പെടുത്തി.
അടിയന്തര പ്രാധാന്യമുള്ള വിഷയങ്ങളിൽ തീരുമാനമെടുക്കുന്നതിനായി ഒരു പ്രത്യേക കൂടിയാലോചനാ സമിതിക്കും യോഗം രൂപം നൽകി. ജിഫ്രി മുത്തുക്കോയ തങ്ങൾ, കൊയ്യോട് ഉമർ മുസ്‌ലിയാർ, എം.ടി അബ്ദുല്ല മുസ്‌ലിയാർ, എ.വി അബ്ദുറഹ്മാൻ മുസ്‌ലിയാർ, ബഹാഉദ്ദീൻ നദ്‌വി കൂരിയാട്, പി. ഹംസക്കുട്ടി മുസ്‌ലിയാർ ആദൃശേരി, വാക്കോട് മൊയ്തീൻ കുട്ടി മുസ്‌ലിയാർ, പി.എം അബ്ദുസലാം ബാഖവി എന്നിവരാണ് ഈ സമിതിയിലെ അംഗങ്ങൾ.
Story Summary
Koyyod Umar Musliyar has been elected as the new General Secretary of Samastha Kerala Jameyyathul Ulama following the passing of K Alikutty Musliyar. The decision was taken at the Mushawara meeting held in Kozhikode, which also appointed MT Abdulla Musliyar as Treasurer and formed a special consultative committee for urgent matters.
