IIT ബോംബെ വിദ്യാർത്ഥിയുടെ മരണം: തെറ്റായ വാർത്തകളും അഭ്യൂഹങ്ങളും പ്രചരിപ്പിക്കരുതെന്ന് മുംബൈ പോലീസ് | Mumbai Police

മുംബൈ: ഐ.ഐ.ടി ബോംബെയിലെ രണ്ടാം വർഷ ബി.ടെക് വിദ്യാർത്ഥി സാഹിൽ വാകോഡെയുടെ (22) മരണവുമായി ബന്ധപ്പെട്ട് അനാവശ്യ അഭ്യൂഹങ്ങളും തെറ്റായ വിവരങ്ങളും പ്രചരിപ്പിക്കരുതെന്ന് പൊതുജനങ്ങളോടും മാധ്യമങ്ങളോടും അഭ്യർത്ഥിച്ച് മുംബൈ പോലീസ്. സംഭവത്തിൽ പോലീസിന്റെ ക്രൈംബ്രാഞ്ച് വിഭാഗം അന്വേഷണം തുടരുന്ന പശ്ചാത്തലത്തിലാണ് വ്യക്തതയില്ലാത്ത നിഗമനങ്ങളിലേക്ക് എത്തരുതെന്ന് അധികൃതർ മുന്നറിയിപ്പ് നൽകിയത്.(Mumbai Police Appeals Against Speculation In IIT Bombay Student Suicide Investigation)

സെപ്റ്റംബർ 18-ന് വൈകുന്നേരമാണ് സാഹിലിനെ ഹോസ്റ്റൽ മുറിയിൽ തൂങ്ങിമരിച്ച നിലയിൽ കണ്ടെത്തിയത്. മിഡ്-സെമസ്റ്റർ പരീക്ഷയ്ക്കിടെ ചാറ്റ് ജി.പി.ടി ഉപയോഗിക്കാൻ മൊബൈൽ ഫോൺ ഉപയോഗിച്ചതിന് കുടുങ്ങിയതിന് പിന്നാലെയായിരുന്നു സംഭവം. അന്വേഷണം പൂർത്തിയാകുന്നതിന് മുൻപ് സമൂഹമാധ്യമങ്ങളിലൂടെയും മാധ്യമങ്ങളിലൂടെയും വ്യാജ പ്രചാരണങ്ങൾ നടത്തുന്നത് നിയമനടപടികൾക്ക് കാരണമാകുമെന്നും ക്രൈംബ്രാഞ്ച് അറിയിച്ചു.

Story Summary

The Mumbai Police Crime Branch has urged the public and media to refrain from spreading speculation and misinformation regarding the suicide of Sahil Wakode, a 22-year-old IIT Bombay student. Sahil was found dead in his hostel room hours after allegedly being caught using ChatGPT during an examination.