‘മന്ത്രി KM ഷാജി സ്വകാര്യ വാഹനത്തിൽ യാത്ര ചെയ്യുന്നതിൽ തെറ്റില്ല, മുഖ്യമന്ത്രി VD സതീശൻ സൗജന്യ യാത്ര നടത്തിയത് തെറ്റാണ്’: KB ഗണേഷ് കുമാർ | KB Ganesh Kumar

ഇടുക്കി: മന്ത്രി കെ.എം. ഷാജി സ്വകാര്യ വാഹനത്തിൽ യാത്ര ചെയ്യുന്നതിൽ യാതൊരു തെറ്റുമില്ലെന്ന് മുൻ മന്ത്രി കെ.ബി. ഗണേഷ് കുമാർ. എന്നാൽ അതിനായി പ്രത്യേക അനുമതി വാങ്ങുകയോ അല്ലെങ്കിൽ എം.എൽ.എ ബോർഡ് വെച്ച് യാത്ര ചെയ്യുകയോ വേണമെന്ന് അദ്ദേഹം വ്യക്തമാക്കി. മുൻപ് താനും ഇത്തരത്തിൽ യാത്ര ചെയ്തിട്ടുണ്ടെന്ന് അദ്ദേഹം പറഞ്ഞു.(KB Ganesh Kumar Comments On KM Shaji Vehicle Travel And VD Satheesan Allegations)

എം.എൽ.എ ഫണ്ട് ഉപയോഗിച്ച് ബസുകൾ വാങ്ങുന്നതിൽ തെറ്റില്ലെന്നും, എന്നാൽ അവ ലാഭകരമായ റൂട്ടുകളിൽ സർവീസ് നടത്താൻ കെ.എസ്.ആർ.ടി.സി ശ്രദ്ധിക്കണമെന്നും അദ്ദേഹം അഭിപ്രായപ്പെട്ടു. ഇത്തരം ബസുകൾ വാങ്ങിയതുകൊണ്ട് മാത്രം കെ.എസ്.ആർ.ടി.സി രക്ഷപ്പെടാൻ പോകുന്നില്ലെന്നും അദ്ദേഹം കൂട്ടിച്ചേർത്തു.

അതേസമയം, മുഖ്യമന്ത്രി വി.ഡി. സതീശൻ സൗജന്യ യാത്ര നടത്തിയത് തെറ്റായ നടപടിയാണെന്ന് ഗണേഷ് കുമാർ ആരോപിച്ചു. യാത്രയുടെ സ്പോൺസർ ആരാണെന്ന് വ്യക്തമാക്കാൻ മുഖ്യമന്ത്രി തയ്യാറാകണം. 20 ലക്ഷം രൂപയുടെ സൗജന്യ യാത്രകൾ നടത്തുന്നത് അഴിമതിയുടെ പരിധിയിലാണ് വരുന്നതെന്നും അദ്ദേഹം രൂക്ഷമായി വിമർശിച്ചു.

Story Summary

Former Minister K.B. Ganesh Kumar stated that Minister K.M. Shaji traveling in a private vehicle is not wrong, provided necessary permissions are taken or an MLA board is displayed. However, he heavily criticized Chief Minister V.D. Satheesan, alleging that his 20-lakh free trip amounts to corruption and demanding the disclosure of the sponsor.