കാര്യവട്ടത്ത് കോഹ്‌ലിക്കും ഗില്ലിനും തകർപ്പൻ സെഞ്ചുറി. വിൻഡീസിനെ എട്ട് വിക്കറ്റിന് തകർത്ത് ഇന്ത്യയ്ക്ക് രാജകീയ ജയം. 15,000 റൺസ് തികച്ച് കോഹ്‌ലിയുടെ വെടിക്കെട്ട്. ക്യാപ്റ്റന്റെ കളി പുറത്തെടുത്ത് ഗില്ലും, നാല് വിക്കറ്റുമായി കുൽദീപ് യാദവും നിറഞ്ഞാടി
Current: മലയാളം
തിരുവനന്തപുരം: വെസ്റ്റ് ഇൻഡീസിനെതിരായ ഏകദിന പരമ്പരയിലെ ആദ്യ മത്സരത്തിൽ ഇന്ത്യയ്ക്ക് തകർപ്പൻ ജയം. കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടന്ന മത്സരത്തിൽ എട്ട് വിക്കറ്റുകൾക്കാണ് ഇന്ത്യ വിജയിച്ചത്.
വെസ്റ്റ് ഇൻഡീസ് ഉയർത്തിയ 296 റൺസ് വിജയലക്ഷ്യം ഇന്ത്യ 41.4 ഓവറിൽ മറികടന്നു. സൂപ്പർ താരം വിരാട് കോഹ്‌ലിയുടെയും ക്യാപ്റ്റൻ ശുഭ്മാൻ ഗില്ലിന്‍റെയും തകർപ്പൻ സെഞ്ചുറികളുടെ മികവിലാണ് ഇന്ത്യ അനായാസമായി വിജയലക്ഷ്യം മറികടന്നത്.
കോഹ്‌ലി 139 റൺസാണെടുത്തത്. 88 പന്തിൽ 10 ബൗണ്ടറിയും ഒമ്പത് സിക്സും അടങ്ങുന്നതായിരുന്നു കോഹ്‌ലിയുടെ ഇന്നിംഗ്സ്. ഇതോടെ ഏകദിന ക്രിക്കറ്റിൽ 15000 റൺസ് തികയ്ക്കാനും കോഹ്ലിക്കായി. 108 പന്തിൽ 110 റൺസാണ് ഗിൽ സ്കോർ ചെയ്തത്. രോഹിത് ശർമ 32 റൺസെടുത്തു.
വെസ്റ്റ് ഇൻഡീസിന് വേണ്ടി അൽസാരി ജോസഫും റോസ്റ്റൺ ചെയ്സും ഓരോ വിക്കറ്റ് വീതമെടുത്തു. ആദ്യം ബാറ്റ് ചെയ്ത വെസ്റ്റ് ഇൻഡീസ് 50 ഓവറിൽ ഏഴ് വിക്കറ്റ് നഷ്ടത്തിലാണ് 295 റൺസെടുത്തത്.
ജസ്റ്റിൻ ഗ്രീവ്സിന്‍റെ സെഞ്ചുറിയുടെയും ജോൺ കാംപ്‌ബെല്ലിന്‍റെയും അമീർ ജംഗോയുടെയും അർധ സെഞ്ചുറികളുടെയും ബലത്തിലാണ് വെസ്റ്റ് ഇൻഡീസ് മികച്ച സ്കോർ പടുത്തുയർത്തിയത്. ഗ്രീവ്സ് 101 റൺസും കാംപ്‌ബെൽ 62 റൺസും ജാംഗോ 58 റൺ‌സുമാണെടുത്തത്.
ഇന്ത്യയ്ക്ക് വേണ്ടി കുൽദീപ് യാദവ് നാല് വിക്കറ്റെടുത്തു. പ്രസിദ് കൃഷ്ണ രണ്ട് വിക്കറ്റും നിതീഷ് കുമാർ റെഡ്ഡി ഒരു വിക്കറ്റും വീഴ്ത്തി.
