Skip to content
November 19, 2026
⌕

കേദാർനാഥ് തീർത്ഥാടന പാതയിൽ വൻ ഉരുൾപൊട്ടലിൽ കുടുങ്ങിയ 1,500-ഓളം തീർത്ഥാടകരെ സാഹസികമായി രക്ഷപ്പെടുത്തി ദുരന്തനിവാരണ സേനകൾ: ചിർബാസയിൽ റോഡിലേക്ക് വൻതോതിൽ പാറക്കല്ലുകളും മണ്ണും ഇടിഞ്ഞുവീണ് വഴി തടസ്സപ്പെട്ടതിന് പിന്നാലെ ഞായറാഴ്ച രാത്രി മുതൽ തുടരുന്ന കനത്ത മഴയിലും കല്ലേറിലും കുടുങ്ങിപ്പോയവരെ എസ്.ഡി.ആർ.എഫ്, എൻ.ഡി.ആർ.എഫ് സംയുക്ത സംഘം സുരക്ഷിതമായി ഗൗരികുണ്ഡിൽ എത്തിച്ചു

September 28, 2026
Share this post to

രുദ്രപ്രയാഗ്: കേദാര്‍നാഥ് തീര്‍ത്ഥാടന പാതയിലെ ചിര്‍ബാസ പ്രദേശത്തുണ്ടായ വന്‍ ഉരുള്‍പൊട്ടലിലും മലയിടിച്ചിലിലും കുടുങ്ങിയ 1,500-ഓളം തീര്‍ത്ഥാടകരെ ദുരന്തനിവാരണ സേനകള്‍ വിജയകരമായി രക്ഷപ്പെടുത്തി. 


ഞായറാഴ്ച രാത്രി വൈകിയുണ്ടായ മണ്ണിടിച്ചിലിനെ തുടര്‍ന്ന് കുടുങ്ങിപ്പോയ തീര്‍ത്ഥാടകരെ സംസ്ഥാന ദുരന്തനിവാരണ സേന, ദേശീയ ദുരന്തനിവാരണ സേന, ജില്ലാ ദുരന്തനിവാരണ സേന എന്നിവരുടെ സംയുക്ത തിരച്ചില്‍ സംഘമാണ് സുരക്ഷിതമായി ഗൗരികുണ്ഡില്‍ എത്തിച്ചത്.


ഗൗരികുണ്ഡില്‍ നിന്ന് ഏകദേശം 3 കിലോമീറ്റര്‍ അകലെയുള്ള ചിര്‍ബാസ ഹെലിപാഡിന് സമീപം റോഡിലേക്ക് വന്‍തോതില്‍ പാറക്കല്ലുകളും മണ്ണും ഇടിഞ്ഞുവീഴുകയും കുന്നിന്‍മുകളില്‍ നിന്ന് നിരന്തരമായി കല്ലുകള്‍ പതിച്ചുകൊണ്ടിരിക്കുകയും ചെയ്തത് രക്ഷാപ്രവര്‍ത്തനം ഏറെ ദുഷ്‌കരമാക്കി.

തുടര്‍ന്ന്, സബ് ഇന്‍സ്പെക്ടര്‍ ആശിഷ് ഡിമ്രിയുടെ നേതൃത്വത്തില്‍ സോണ്‍പ്രയാഗില്‍ നിന്നുള്ള എസ്.ഡി.ആര്‍.എഫ് സംഘം സ്ഥലത്തെത്തുകയും സ്ഥിതിഗതികള്‍ വിലയിരുത്തിയ ശേഷം വന്‍ റെസ്‌ക്യൂ ഓപ്പറേഷന്‍ ആരംഭിക്കുകയുമായിരുന്നു. 


അപകടകരമായ കല്ലേറും തടസ്സങ്ങളും മറികടന്ന് മുന്‍കരുതലുകളോടെയാണ് ഓരോ തീര്‍ത്ഥാടകരെയായി സുരക്ഷിത മേഖലയിലേക്ക് കടത്തിവിട്ടത്. 


ഉത്തരാഖണ്ഡില്‍ നിര്‍ത്താതെ പെയ്യുന്ന കനത്ത മഴയെ തുടര്‍ന്ന് പ്രശസ്തമായ ചാര്‍ധാം യാത്ര തുടര്‍ച്ചയായ രണ്ടാം ദിവസവും നിര്‍ത്തിവെച്ചിരിക്കുകയാണ്. നിലവില്‍ തീര്‍ത്ഥാടന പാതയില്‍ സുരക്ഷ ശക്തമാക്കുകയും ഗതാഗതം പുനഃസ്ഥാപിക്കാനുള്ള ശ്രമങ്ങള്‍ തുടരുകയും ചെയ്യുന്നുണ്ട്.

 

Get more updates from Pudukad News on Google